მთავარი

მისი უდიდებულესობა მარტოობა

3 Comments

ყველაფერი დაწერილია უკვე, ჩემი მარტოობაც ისეთი ძველი და ბებერია, ათასჯერ გამოცდილი, ათასი ადამიანის მიერ განცდილი და გადატანილი და მაინც ჩემი სულის კართან მოსული, როგორც უპატრონო ძაღლი, ჩემს გულში თავშესაფარის მძებნელი. ამ საუკუნეში პირველი ვარ ვინც მარტოობამ აირჩია . ჩემი მარტოობა უკვდავია და ყველასგან განსხვავებული. ჩემი მარტოობა ისაა ვიზეც წერდნენ და ვინც აწერინებდა. ამიტომაც მე ის მიყვარს.

რა შემიძლია…

დატოვე კომენტარი

ათასი სისულელე გავაკეთე, მაგრამ სულ გიფრთხილდები, გიფრთხილდები, გიფრთხილდები… ერთი წყენა ვერ მაპატიე… მაშინ გამიშვი. მე არც დამარცხებას გთხოვ და არც გამარჯვებას ვითხოვ. მე სიამაყით არ გიყურებ ზევიდან და ყინულივით ცივ სიტყვებს არ გესვრი შორიდან. მე არ ვლაპარაკობ შენზე მესამე პირში შენი თანდასწრებით

მე არაფერს არ გთხოვ არასდროს… უბრალოდ ვარ და ერთადერთი რაც შემიძლია აღარ ვიყო

პირველად იყო სიტყვა

დატოვე კომენტარი

DSC_0304 [1024x768]მთელი ღამე შიშველი ვიდექი სარკის წინ და იმ პირველ სიტყვას ვეძებდი შენ რომ ამახიე ტანიდან და წაიღე უკან. მინდა მოვძებნო ის ადგილი და საკუთარი ხელით აგიფრცქვნა მთელი ტანიდან. გული დავიკაწრე და დავიხიე სხეული. მინდა წავიდე… ვეღარ ვუძლებ და დაგიტოვო ყველაფერი რაც შენ გეკუთვნის

უჩინარი ვარ და ჩემ მარტოობად ქცეული

რა მნიშვნელობა აქვს აქ ვიქნები თუ არა

სადაც მე არ ვარ იქ ერთით ნაკლები უბედურებაა

გავცვალოთ…

%(count)s კომენტარი

IMAG0018 [640x480]მინდა ჩემი გული გაგიცვალო შენს მხარში. მე თავს დავადებ და ყველაფერს მოვუყვები, თორე ტუჩები შეახორცდა ერთმანეთს. შენ წინ დაიდებ ჩემს გულს და შეძლებ რომ აწამო.

მეშინია…

დატოვე კომენტარი

მეშინია, რომ ერთხელაც უკან წაიღებ ყველა სიტყვას, რომელიც ტანზე შემახორცდა და მე დავიმარხები ჩემს მარტოობაში, დავიფარები ჩემი ცრემლებით და დავიღუპები ჩემი სიჩუმით. ოკეანის ფსკერზე გაწოლილ და საუკუნეების წინ ჩაძირულ გემს დავემსგავსები. აურაცხელ და შეუფასებელ განძს რომ ინახავს, მაგრამ არ არსებობს, რადგან მისი არსებობის შესახებ არავინ იცის.

გადამარჩინოს ვინმემ

დატოვე კომენტარი

გადამარჩინოს ვინმემ…

ჩემი მეგობრის გული მტკივა, ჩემი დედიკოს გული მტკივა, ჩემი მამიკოს გული მტკივა, ჩემი მკვდარი შვილის გული მტკივა, ჩემი საყვარელი ქმრის გული მტკივა, შენი გული მტკივა

და ჩემთვის არაფერი მრჩება…

დატოვე კომენტარი

ვგრძნობ რას განიცდის ზღვა, როდესაც მასში შეჩვეულ და ყველსგან მივიწყებულ ნივთებს გამორიყავს ნაპირზე. მინდა ავღელდე და მივენარცხო კლდეებს, რომელიც გარს მარტყავს, მაგრამ ზღვა არ ვარ.

დატოვე კომენტარი

ჩემი მარტოობა მოვათვინიერე და ვეღარ მტანჯავს. ჩემი სიბრაზის ობიექტი დავკარგე და ისე დავგროვდი რომ კუნთები დამისივდა და კანი მინდა გავიხადო.

ავადმყოფი

დატოვე კომენტარი

ზეწარს გადმოვფენ ფანჯრიდან და რაფაზე დავიძინებ. მთვარე გააბამს სხივებით სიმებს და ძილისპირულს დამიკრავს, ზედ კატები ჩამოსხდებიან და დამიცავენ ავი სულებისგან, ნიავი გამაგრილებს რომ არ დამცხეს, გამთენიისას მზე ამოსვლას იჩქარებს რომ გამათბოს და ნამუსი გამაღვიძებს რომ გადავიფარო ზეწარი. ჩემი ხორცი ავადმყოფია, მაგრამ ლამაზი და მიყვარს.

სერიიდან “ავადმყოფი”

%(count)s კომენტარი

med_gallery_460_3_82698პირს ვაღებ და ჰაერს ვატან სიტყვებად ქცეულ არარსებულ ფიქრებს. წაღმა მხარეს გადმობრუნებული და ჩემი ფანჯრის წინ, თოკზე გადაკიდებული სარეცხივით ვარ. ყველამ დამინახეთ რა ლამაზი ვარ, ყველამ მაქეთ, იამაყეთ და გამცვითეთ. გადმომაბრუნე ნაკერები უნდა მოვიხსნა, ნეკნები გავწიო სუსტი თითებით და ამოვიღო რაც დამრჩა შიგნით. ჩემი ღვიძლი ისე დაბერდა, მოხუც ძაღლს გავს სახლში რომ არ უნდა სიკვდილი. ჩემი ფიქრები და ჩემი სხეული ისე შორს არიან ერთმანეთისგან, კიდევ კარგი თორემ ტკივილი ჩემს ფანტაზიას კახპასავით ახდიდა ნამუსს.

Older Entries Newer Entries

%d bloggers like this: