მთავარი

სიმბოლო გველი

დატოვე კომენტარი

რადგან 2013 გველის, უფრო სწორად კი შავი, წლის გველის წელია, მოდით გაგიზიარებთ ჩემს ცოდნას გველის სიმბოლოს შესახებ. ნუ მცირე შევასალის სახით ვიტყვი იმას, რომ გველები ჩვეულებრივ არ იკბინებიან, ზუსტად იგივე შანსია თავს დაგესხათ გველი და ცოტა უფრო ნაკლებიც, რაც მაგალითად ძაღლის შემთხვევაში. მე მაგალითად ძაღლების მეშინია და გველების არა. იმიტომ რომ ძაღლებს შემოუღრენიათ და დაკბენის მცდელობაც ქონიათ, გველებს კი არა. მიუხედავად ჩემი განუზომელი ცნობისმოყვარეობისა მათი აგებულების მიმართ, განსაკუთრებით ბავშვობაში )))

00-03-429-000

გველი ერთ-ერთი უძველესი სიმბოლოა და ის თითქმის ყველა ძველ კულტურაში გვხვდება. ამ სიმბოლოს ხიბლი იმაშია, რომ მას ორმაგი მნიშვნელობა აქვს და ხშირად ურთიერთგამომრიცხავიც. ბევრ არქაულ კულტურაში გველი მიწისქვეშეთის სამფლობელოს, ასე ვთქვათ მკვდრების სამეფოს სიმბოლო იყო. შესაძლოა იმიტომ რომ ის მიწაში ბინადრობს ან იმიტომ რომ ძველად და ახლაც სხვადასხვა რელიგიები სხვადასხვაგვარად აღწერენ სიკვდილს, მაგრამ ის ყველა შემთხვევაში გარდასახვასა და ტრანსფორმაციას განასახიერებს. გველს უნიკალური უნარი აქვს კანი გამოიცვალოს. რაც შეეხება მის ორმაგ მნიშვნელობას, მაგალითად ბიბლიაში გველი განასახიერებს ეშმაკს, რომელმაც აცდუნა ევა და ამავე დროს ის მოსეს ეხმარება უდაბნოში.

გველის სიმბოლოს სხვადასხვა საინტერესო მნიშვნელობები შეიძლება შეგხვდეთ, სადაც აღნიშნულია რომ ადამიანმა ისევე როგორც გველმა უნდა დატოვოს თავისი სხეული და განახლებულმა შეაბიჯოს ახალ სამყაროში. გველი ტოვებს ქვაზე შხამს წყალში შესვლისას, რათა მისი სისპეტაკე არ აამღვრიოს და ამიტომ ის შიშველ ადამიანებს არ კბენსო. არ ვიცი ბევრი ფიქრობდა ალბათ რომ შიშველი პირდაპირი მნიშვნელობით იყო ნახსენები, თუმცა არ მგონია თქვენმა გენიტალიებმა გიხსნათ გველისგან ))) ბავშვობაში, როცა დავსდევდი და ვიჭერდი გველებს, ხელში ვათამაშებდი და ვიკვლევდი მათ ყველა უჯრედს, როგორც ეს შეიძლება ბავშვა გააკეთოს ჩემთვის არასდროს უკბენიათ. მოგვიანებითაც მომიწია რამდენიმე ასეული მეტრის გავლა წელამდე ბალახში სადაც ფიზიკურად ვგრძნობდი როგორ დასრიალებდნენ გველები ჩემს ფეხებზე და არცერთ მათგანს არ უკბენია. უცნაურია მაგრამ გველების არასდროს მეშინოდა, მათ დიდ პატივს ვცემ, დიახ. იმიტომ რომ ძალიან საინტერესო არსებაა და მესიმპატიურება. ყოველთვის ვიყავი გულწრფელი, როცა მათი არ მეშინოდა და ალბათ ვიყავი შიშველიც, ამიტომ შეგიძლიათ ტანსაცმლის გახდით არ დაიწყოთ როცა გველს დაინახავთ, ემოციების გახდით დაიწყეთ. გრძნობენ 🙂

al_ouroboros2

გველის სიმბოლოს სხვადასხვაგვარადაც გამოსახავდნენ, მათ შრის ყველაზე პოპულარული არის გველი, რომელიც საკუთარ კუდს კბენს ე.წ. ურობოროსი, ეს არის სიმბოლო უსასრულობის, უკვდავების, განახლების და ციკლის დაბრუნების. ალქიმიკოსები ამ სიმბოლოთი გამოსახავდნენ იმ პროცესებს რომელიც ციკლურად მიმდინარეობს, მაგალითად აორთქლება, კონდენსაცია – მრავალჯერადი განმეორება. ვერ გამოვრიცხავთ იმ ფაქტს რომ გველს ასევე ნეგატიურ მნიშვნელობასაც ანიჭებენ და ეს პირველ რიგში მის შხამს უკავშირდება, თუმცა ამავე შხამს უკავშირდება განკურნებაც, ამიტომ არის გველი ასეთი წინააღმდეგობრივი სიმბოლო.  ძველ ეგვიპტეში გველი ურეუსი რომელიც ფარაონის გვირგვინს განასახიერებდა მტრებს შხამით იგერიებდა, ის ასევე მზის დისკოს ეკვროდა გარს.

a_5862ead4 (1)ცენტრალურ ამერიკაში აცტეკებთან კოატლი მნიშვნელოვან სიმბოლოდ გვევლინება. კოატლი – გველი კალენდრის მეხუთე დღის მფარველია. ამ დღეს დაბადებულები უარყოფითად ხასიათდებიან. როგორც უსახლკაროები და ღარიბები. მაშინ როდესაც კეტცალი არის ფრინველი ძალიან ღრმა მნიშვნელობით განსაკუთრებით რელიგიურ საკითებში, დაჯილდოებული სიბრძნით და სხვა სიმდიდრეებით. აცტეკებთან კარგად ჩანს გველის კიდევ ერთ თვისებაზე ხაზგასმა, გველი როგორც ფრინველი კვერცხიდან იჩეკება. შესაბამისად აცტეკებმა ეს პროცესი დაუკავშირეს მის ორმაგ სახეს და უკიდურესი უარყოფითი და დადებითი მხარეები ამ ორი სიბოლოების, როგორიცაა კოატლი და კეტცალი გააერთიანეს ერთში და მას ეწოდება კუკულკანა, ეს სიმბოლო აერთიანეს გველისა და ფრინველის როგორც მიწისა და ცის სიმბოლოებს. ფრინველისა და გველის პოლარულობა ყველაფერთან ერთად მეხიკოს გერბზეცაა გამოსახული აცტეკურად ტე ნოჩტიტლან, მასზე გამოსახულია კაკტუსზე მჯდომიარე არწივი გველით კლანჭებში. ეს სიმბოლო განასახიერებს ორი უკიდურესობის კავშირს.

ეზოთერულ სისტემებში დახვეული გველი – კუნდალინი სასიცოცხლო ენერგიის სიმბოლოც არის.  გველისმაგვარი არსებები ნახევრადღვთაებრივი ნაგები კი ასევე დიდ როლს თამაშობენ ძელ ინდურ მითოლოგიაში. ნაგი განასახიერებს მიწიერი საგანძურის მცველს. ისინი კეთილი სულები არიან, რომლებიც გველის ტანითა და ადამიანების თავით გვევლინებიან. გველი თავისი კანის გამოცვლის უნარით – განახლებას, ხოლო წყლის სტიქიასთან მჭიდრო კავშირით ნაყოფიერებას განასახიერებდა.

ჩინეთში გველი – შე, ზოდიაქოს მეხუთე ნიშანია. ითვლება ცბიერ და საშიშ ნიშნად. ამავე დროს გველები დადებით მნიშვნელობას იძენენ, რადგან მდინარის კალაპოტი ზემოდან წააგავს გველს თავისი ფორმით, ამიტომაც მათ წყალთან უფრო მეტად აკავშირებენ. გარდა ამისა არსებობს ლეგენდა, რომლიც მიხედვითაც მადლიერ გველს რძით დაპურების შემდეგ, საჩუქრად მოაქვს მარგალიტი ოკეანეების სიღრმეებიდან. ამიტომაც აღმოსავლეთში გველი სიბრძნის მატარებელთანაც ასოცირდება.

სამხრეთ აფრიკულ კულტურაში გვხვდება გიგანტური გველები, რასაც ადასტურებს კლდეზე გამოსახული ნახატები. მათ ღვთაებრივი შესაძლებლობებიც ქონდათ, ისინი წვიმას იწვევდნენ და ზოგადად წყალს განასახიერებდნენ. გარდა ამისა მითებში ისინი რქებითაც გვხვდება, რითაც ისინი უფრო მეტად დრაკონს მოგვაგონებენ.

nagi

გველის არა მარტო მნიშვნელობებია მსგავსი სხვადასხვა კულტურებში, არამედ მსგავსი ლეგენდებიც კი არსებობს თავისი შინაარსით. მაგალითად იაპონიაში არის ლეგენდა, რომელიც ძალიან გავს ჰერაკლესა და ცხრათავიანი ჰიდრას შებრძოლების ბერძნულ მითს. იაპონური ლეგენდის მიხედვით ქარიშხლის ღმერთი სუსანოო შეებრძოლა რვათავიან გველს იამატანო ოროტისს და დაამარცხა ის, ხოლო მის კუდში აღმოაჩინა მახვილი, რომლის საშუალებითაც დატყვევებული პრინცესა – ინადახიმე გაათავისუფლა. გველის დამარცხების ლეგენდას სხვაგანაც შეხვდებით, როგორიცაა მაგალითად იგივე თეზევსის ანდა წმინდა გიორგის შებრძოლება გველთან, როგორც ქართულ თარგმანშია ნახსენები – გველეშაპთან.

რაც შეეხება გველის წელს მე პირდად ვერ ვიტყვი რომ მხოლოდ აღმოსავლური ჰოროსკოპით ხელმძღვანელობა სწორია. ზოგადად სიმბოლოებს დიდი დატვირთვა აქვს, თავისი ენერგეტიკა. ამიტომ ჯობია საერთო კონტექსტში განვიხილოთ ეს სიმბოლო. მოკლედ რომ ვთქვა, წელს ალბათ კანი უნდა გამოვიცვალოთ და ტრანსფორმაცია განვიცადოთ, იმისთვის რომ წარმატებას მივაღწიოთ. წარმატებას გისურვებთ ამაში 🙂

 

Advertisements

მარტინ შულმანი კარმული ასტროლოგია – ალეგორია (თარგმანი)

%(count)s კომენტარი

დადგა დილა და ღმერთი წარსდა თავისი 12 შვილის წინაშე, დრო იყო ნიჭის გაცემის.

“შენ ვერძო გაძლევ თესლს, იმისთვის რომ დათესო, ყოველი მათგანი შენს ხელში გაასმაგდება და არნახულ ნაყოფს გამოისხამს, შენ არ გექნება დრო ნახო როგორ იზრდება ნაყოფი, რადგან ყოველი მათგანი უფრო მეტ თესლს მოგცემს, ვიდრე დათესვას შეძლებ. შენ იქნები პირველი ვინც ადამიანის გონებას ჩემი იდეებისთვის ნიადაგს მოუსინჯავს. მაგრამ ეს შენი საქმე არ არის დააკვირდე ამ იდეებს. შენი ცხოვრებია არის მოქმედება, ერთადერთი – მოქმედება, რომელსაც მე შენ განიჭებ. გაუღვიძო ადამიანებს სურვილი შეიგრძნონ ჩემი შემოქმედება. შენი კეთილი საქმეებისთვის კი, მე შენ გაჩუქებ თავმოყვარეობის ნიჭს”

“შენ კურო, გაძლევ ნიჭნს საკუთარი თავის სუბსტანციაში მოქსცევისას. შენი საქმე ძალიან მნიშვნელოვანია და მოითხოვს შემოქმედებას, რადგან შენ უნდა დაასრულა ყველაფერი რაც შენამდე დაწყებული აქვს ვერძს, იმისთვის რომ მოსავალი ქარმა არ წაიღოს. შენ არ უნდა შეიტანო ეჭვი, შეწყვიტო შუაგზაში საქმე და დაეყრდნო სხვებს საქმის კეთებისას. ამისთვის მე განიჭებ შენ ნიჭს – ძალას. გამოიყენე ის სიბრძნით”

“თქვენ ტყუპებო გაძლევთ უპასუხო შეკითხვებს, იმისთვის რომ ადამიანებს დაეხმაროთ იმის შეცნობაში, რასაც ყოველდღე დაინახავენ. შენ ვერასდროს მიხვდები რატომ გისმენენ ან რაზე საუბრობენ ადამიანები, მაგრამ პასუხების ძიებაში შენ იპოვნი ჩემგან ბოძებულ ნიჭს – ცოდნას”

“შენ კირჩხიბო, გაძლევ ამოცანას ასწავლო ადამიანებს როგორ იყვნენ ემოციურები, ასწავლე მათ ტირილი და სიცილი, იმისთვის რომ ყველაფერმა რასაც ხედავენ და რაზეც ფიქრობენ კმაყოფილების გრძნობით აავსოთ. ამისთვის მე განიჭებ მეოჯახეობის ნიჭს, იმისთვის რომ შენი სისავსე გამრავლდეს.”

“შენ ლომო გაძევ დავალებას ჩემი ქმნილებები მთელი თავისი დიდებულებით და ბრწყინვალებით წარუდგინო ადამიანებს. მაგრამ უნდა იყო ფრთხილად სიამაყესთან და არ დაივიწყო, რომ ისინი ჩემი ქმნილებებია და არა შენი. თუ ამ რჩევას არ გაითვალისწინებ, ადამიანები შეიძულებენ შენს ნამოქმედარს, თუ გაითვალისწინებ ისინი პატივს გცემენ. ამისთვის კი მე განიჭებ სამართლიანობის ნიჭს”

“შენ ქალწულო გაძლევ ამოცანას გამოიკვლიო და გაანალიზო ყოველივე რასაც ადამიანები გააკეთებენ ჩემი ქმნილებებისგან. შენ უნდა ყურადღებით ადევნო თვალი ყველა გამოყენებულ მეთოდს და შეახსენო შეცდომების შესახებ, იმისთვის რომ შენი დამსახურებით ჩემი ქმნილებები დროში უფრო მეტად სრულყოფილები გახდნენ. იმისთვის რომ ეს შეძლო მე გაძლევ შენ ცივი გონებით აზროვნების ნიჭს”

“შენ სასწორო გაძლევ მსახურების მისიას, იმისთვის რომ ადამიანებს ახსოვდეთ მოვალეობების შესახებ სხვა ადამიანების მიმართ, იმისთვის რომ მათ ისწავლონ თანამშრომლობა, განსხვავებული აზრის მიღება. მე ცხოვრებაში ბევრ უთანხმოებას გადაგყრით, იმისთვის რომ ისინი მოაგვაროთ, ამისთვის კი გაძლევთ სიყვარულის ნიჭს.”

“შენ მორიელო ძალიან რთულ დავალებას გაძლევ. შენ გექნება ადამიანების განზრახვის განჭვრეტის უნარი, მაგრამ მე არ გაძევ უფლებას ამის შესახებ მათ უთხრა. შენ მრავალჯერ მოგაყენებს ტკივილს ის რასაც ადამიანებში დაინახავ, ამ ტკივილის გამო შენ მე ზურგს მაქცევ და დაგავიწყდება რომ ეს ყველაფერი არა ჩემი, არამედ ჩემი იდეების არასწორად განვითარების გამო ხდება. შენ ადამიანებს იმდენად კარგად შეიცნობ, რომ მათში ცხოველს დაინახავ, საკუთარ თავში შეეცდები ამ ინსტინქტების ჩაკვლას და გზას აცდები. მაგრამ როდესაც გონს მოხვალ და დაბრუნდები ჩემთან, მე გაჩუქებ შენ უდიდეს ნიჭს, მიზანსწრაფულობას.”

“შენ მშვილდოსანო გაძევ დავალებას შეძლო ადამიანების გაცინება, რადგან ჩემი იდეების არასწორი განვითარების გამო ისინი სასტიკ არსებებად გადაიქცევიან. სიცილით შენ უნდა გააღვიძ მათში იმედი, იმედით კი შემოატრიალო ისინი ჩემკენ. შენ ცხოვრების მანძილზე ბევრ ადამიანს შეხვდები და თითოეულ მათგანში დატოვებ იმედის კვალს. შენ მშვილდოსანო მე გჩუქნი უსაზღვრო სიკეთის ნიჭს, იმისთვის რომ სამყაროს ყველაზე ბნელ კუთხესაც მიწვდე და შეძლო იქ სინათლის მიტანა”

“შენგან თხისრქა მე შრომას და ოფლის დაღვრას ვითხოვ, იმისთვის რომ შენი მაგალითით ადამიანებს შრომისმოყვარეობა ასწავლო. შენი მისია რთულია, რადგან შენს მხრებზე გადაივლის ადამიანების ძალისხმევა ვისაც კი ცხოვრების გზაზე შეხვდები და ამისთვის მე გაძლევ პასუხისმგებლობის ნიჭს”

“შენ მერწყულო, გაძლევ მომავლის იდეებს, იმისთვის რომ ადამიანებმა სხვა შესაძლებლობებიც დაინახონ. შენ დაგტანჯავს მარტოობის განცდა, რადგან მე არ გაძლევ ნებას ჩემი სიყვარული განასახიერო. მაგრამ იმისთვის რომ ადამიანების განსხვავებული შესაძლებლობები დაანახო, მე გაძლევ შენ თავისუფლების ნიჭს. შენი თავისუფლებით შენ უნდა ემსახურო კაცობრიობას”

“თქვენ თევზებო მე ყველაზე რთულ დავალებას გაძლევთ. მე გთხოვთ თქვენ შეაგროვოთ ადამიანების მწუხარება და დამიბრუნოთ ის მე. თქვენი ცრემლები უნდა იქცეს ჩემს ცრემლებად. მწუხარება, რომელიც თქვენ აგავსებთ, იქნება ადამიანების მიერ ჩემი იდეების არასწორად გაგების შედეგი. მაგრამ თქვენ უნდა შეგეძლოთ თანაგრძნობა, იმისთვის რომ ადამიანებმა შეძლონ ყველაფრის თავიდან დაწყება და შეცდომების გამოსწორება. ამიტომ მე გაძლევთ თქვენ ნიჭს ჩემი შეცნობის. თქვენ იქნებით ჩემი თორმეტი შვილიდან ერთადერთნი რომლებსაც ჩემი გაგება შეეძლებთ. მაგრამ ეს ნიჭი შეცნობისა, მხოლოდ თქვენთვისაა, რადგან როგორცკი შეეცდებით ის სხვა ადამიანებს გაუზიაროთ. თქვენ არ მოგისმენენ და უარგყოფენ.”

და მაშინ თქვა ღმერთმა

“ყოველი თქვენგანი ჩემი იდეის ნაწილის მატარებელია. თქვენ შეცდომით არ უნდა იღებდეთ მათ როგორც თქვენსას და არ უნდა შეეცადოთ ამ ნაწილების გაცვლას. რადგან ყოველი თქვენგანი დასრულებული და სრულყოფილია, მაგრამ თქვენ ამის შესახებ არ იცით და ვერც გაიგებთ სანამ არ გახდებით ერთი მთლიანი. და მაშინ ჩემი იდეის მთლიანობისა და სრულყოფილების საიდუმლოს შეიცნობთ”

და 12 შვილი წავიდა თავისი გზით, მაგრამ ბოლომდე საკუთარი დანიშნულების შესახებ ვერცერთმა გაიგო. ამიტომ ისინი მალევე დაბრუნდნენ ღმერთთან და მან უთხრა

“ყოველი თქვენგანი თვლის რომ სხვისი ნიჭი უკეთესია, ამიტომ მე მოგცემთ ნებას ისინი გაცვალოთ”

ერთი წამით თორმეტივე შვილი ბედნიერებამ და სიხარულმა აავსო, მათ დაუყოვნებლივ დაიწყეს ახალი მისიების შერჩევა და შეთანხმება ერთამენთში და მაშინ ღმერთმა უთხრა

“თქვენ არაერთხელ მობრუნდებით ჩემთან მისიის შესაცვლელად და მე თქვენ ყოველჯერზე მოგცემთ ნებას ეს გააკეთოთ. თქვენ გაივლით უთვალავ რეინკარნაციას, მანამ სანამ თავდაპირველ მისიას დაასრულებთ, რომელიც მე დაგიდგინეთ. მე გაძლევთ თქვენ განუზომელ დროს, მაგრამ მხოლოდ მაშინ დარჩებით ჩემთან როდესაც თქვენს საქმეს დაასრულებთ.”

ფორტუნის პარსი პირად რუკაში

დატოვე კომენტარი

როგორ უნდა ვიანგარიშოთ ფორტუნა რომელ ნიშანშია

ასცენდენტს+მზე-მთვარე
ასცენდენტს+მთვარე-მზე

ზოგადად ფორტუნა მიუთითებს არა იმაზე რომ რაღაც კონკრეტულში აქვს ადამიანს იღბალი და შეუძლებელია სხვაში ქონდეს. არა! ეს შესაძლებლობებს გვანახებს ისევე როგორც ყველაფერი სხვა ასტროლოგიაში.

ფორტუნა მიუთითებს იმ შესაძლებლობაზე რომელიც ადამიანს ზედმეტი ძალისხმევითაც აქვს, რაშიც ზედმეტი ძალისხმევითაც აღწევს წარმატებას, რაც თავისთავად გამოსდის. თუმცა ეს არ ნიშნავს რომ თუ ადამიანს განსხვავებული ინტერესები და მიზნები აქვს, თუ მას რთული გზის არჩევა ურჩევნია სხვა თვისებების განვითარება ყოველთვის შეიძლება.

აქ საუბარია შესაძლებლობებზე, მიზნებსა და თვისებებზე რომელთათვისაც ადამიანმა ზედმეტი ძალისხმევა შეუძლია არ დახარჯოს, იმიტომ რომ ის ისედაც მარტივად გამოუვა. რაც ასევე არ ნიშნავს რომ არაფერი არ უნდა გააკეთოს )))))

ახლა ფორტუნა სტიქიების მიხედვით ძალიან მოკლედ.

ფორტუნა ცეცხლის ნიშნებში

ცეცხლოვანი ფორტუნა გულუხვი და იმპულსურია საკუთარ ღირებულებებთან მიმართებაში. ის ადვილად შოულობს ფულს და ასევე ადვილად ხარჯავს.

ფორტუნა მიწის ნიშნებში

ეს ადამიანი ზუსტად განსაზღვრულ გეგმას მიყვება, აქვს დასახული კონკრეტული გრძელვადიანი მიზნები და მას არ უხვევს, არის სტაბილური, განსაკუთრებული სწრაფი და შესამჩნევი ცვლილებების გარეშე, რისი წყალობითაც აღწევს დასახულ მიზნებს.

ფორტუნა ჰაერის ნიშნებში

მატერიალურად ყოველთვის უზრუნველყოფილია, ფული თავისით მოდის, ადვილად შოულობს და სიამოვნებითაც ხარჯავს, მაგრამ არასდროს უთავდება. უნდა ერიდოს სიხარბეს, ამ ადამიანის იღბალი სანაცნობო წრეშია.

ფორტუნა წყლის ნიშნებში

ყველაზე მაღალი რისკია ფინანსური მდგომარეობისთვის ფორტუნის ასეთი მდებარეობა. ფული მათთან უკვალოდ ქრება. მიუხედავად იმისა რომ წყლის ფორტუნას ფულის დაგროვება უყვარს, მას ან იპარავენ, ან უფასურდება ან რაიმე სხვა მიზეზით.

ძალიან მოკლედ ფორტუნა ნიშნებში

ფორტუნა ვერძში

ამ ადამიანმა უნდა ისწავლოს იმპულსური ხასიათის ჩახშობა და საკუთარი შესაძლებლობები აღიქვას ადეკვატურად, გაითვალისწინოს საკუთარი გამოცდილება და ისე მოკიდოს საქმეს ხელი. შეიძება ბევრი აიღოს თავის თავზე და იმედგაცრუება დაეუფლოს, იღბალს იპოვნის ნებისმიერ საქმეში და თუ უფრო მეტად დაფიქრდება სანამ საქმეს დაიწყებს, არ აჩქარდება და საკუთარ შესაძლებლობებს ადეკვატურად შეაფასებს შემდეგ უკვე შეუძლია ენდოს ინტუიციას, რომელიც როგორც აღმოაჩენს თითქმის არასდროს ღალატობს.

ცნობილი ადამიანები ვერძი ფორტუნით: ჯორჯ ვაშინგტონი, ისააკ ნიუტონი, ალბერტ აინშტაინი.

ფორტუნა კუროში 

ისევე როგორც ვერძს კუროსაც ახასიათებს აჩქარება, მაგრამ ის მეტად სტაბილურია და კიდევ უფრო ჯიუტი. ასეთი ფორტუნა იღბლიანია თუ სოციალურ სამუშაოს მოკიდებს ხელს, ის იღბალს და კმაყოფილებას მოიპოვებს თუ ჭეშმარიტად სასიკეთო საქმეს მოკიდებს ხელს, არა ერთი და ორი ადამიანებისთვის არამედ ბევრად მეტი, მაგალითად თუ შექმნის ფონდს და ა.შ. ის აუცილებლად იპოვნის იღბალს, მას ექნება შემოსავალი რომელიც კუროს დააკმაყოფილებს და უფრო მეტიც და ის შინაგან კმაყოფილებასაც იგრძნობს

ცნობილი ადამიანები კურო ფორტუნით: მარტინ ლუთერი, გოეთე, ბეჯამინ ფრანკლინი, ბისმარკი, ტროცკი. 

ფორტუნა ტყუპებში

სხარტი აზროვნება, ადვილად სწავლობს. მისი იღბალი მდგომარეობს იმაში რომ შეუძია ქუჩაში გაჩერდეს უცხო ადამიანს გამოელაპარაკოს და ის აღმოჩნდეს ზუსტად ის ადამიანი, ვინც მას ყველაზე მეტად ჭირდება ამ კონკრეტულ მომენტში. ფორტუნა ტყუპების განვითარება ყველაზე უკეთ ფილოსოფიურ საქმიანობაში ხდება, როგორც მინიმუმ ეს მისი ინტერესის სფერო უნდა იყოს. იღბალს კარგავს როცა ის საქმიანობაში საკუთარ შესაძლებლობების რეალიზებას ვერ ახდენს.

ცნობილი ადამიანები ტყუპი ფორტუნით: დედოფალი, ვიქტორია, რუდოლფ შტაინერი, ჩე გევერა, სალვადორ დალი

ფორტუნა კირჩხიბში

ეს ადამიანი ბედნიერებს სახლში და სამშობლოში აღწევს, მისი საქმიანობაც მაქსიმალურად სამშობლოს უნდა უკავშირდებოდეს ან სახლს. ძალიან ადვილია ამ სფეროში და საკუთარ ქვეყანაში წარმატების მოპოვება. იმისთვის რომ იღბალი არ დაკარგოს უნდა დაიცვას ტრადიციები და ემსახუროს სამშობლოს.

ცნობილი ადამიანები კირჩხიბი ფორტუნით: კარლ მარქსი, ნიკოლოზ მეორე, ადოლფ ჰიტლერი, ამერიკის შეერთებული შტატებისა და დიდი ბრიტანეთის ქვეყნები.

ფორტუნა ლომში

იმისთვის რომ ლომმა ბედნიერება მოიპოვოს საჭიროა საკუთარი ემოციების პროექცია მოახდინოს ყველაფერზე რასაც ხედავს ან ეხება მისი ბედნიერება იქნება სრულყოფილი როცა ის იქნება კოლექტიური, ამიტომ მისი საქმიანობა უნდა უკავშირდებოდეს სხვა ადამიანების ემოციების გაზიარებას, სიამოვნების მოტანას, მათ დახმარებას, მათ უკეთესად ქცევას ან გაბედნიერებას.

ცნობილი ადამიანები ლომი ფორტუნით: ოლივერ კრომველი, ზიგმუნდ ფროიდი, ლენინი, ვიქტორ ჰიუგო

ფორტუნა ქალწულში

ქალწული ცდილობს ყველაფერი გაანალიზოს და კრიტიკულად შეხედოს, მისთვის წარმატებული ის სფეროებია ის გარემო სადაც მას შესაძლებლობა ექნება კრიტიკული სიტუაციები სწრაფად გადაწყვიტოს. სადაც საჭირო იქნება გადაწყვეტილების მიღება სწრაფად, უემოციოდ და გააზრებულად. თუმცა ის სრულყოფილად მხოლოდ მას შემდეგ მოიპოვებს ბედნიერებას, როდესაც ისწავლის გარშემომყოფების ნდობას.

ცნობილი ადამიანები ქალწული ფორტუნით: მახათმა განდი, ბენიტო მუსოლინი, ჟაკ ბემე

ფორტუნა სასწორში

ასეთი ფორტუნა ბედნიერებას და იღბალს მხოლოდ პირადი ურთიერთობების მოწესრიგების შემდეგ მოიპოვებს, პარტნიორებთან ურთიერთობები უჭირს, რადგან მას აქვს იდეალები, რომლებსაც ეძებს ახალ პარტნიორებში და ძალიან მალე ემსხვრევა, ასევე ასეთი ფორტუნა ცდილობს საკუთარი ინდივიდუალური თვისებები ნაწილობრივ მაინც დათრგუნოს და სოციუმისთვის სასურველი ჩარჩოებში მოექცეს რაც მას იღბალს აკარგვინებს. მან უნდა ისწავლოს საკუთარი ინდივიდუალიზმის გამოვლენა და ადამიანების ისეთებად აღქმა როგორებიც ისინი არიან სინამდვილეში, მხოლოდ მას შემდეგ შეძლებს კარიერაში წარმატებას მიაღწიოს რაც პირად ცხოვრებაში გააკეთებს ამას.

ცნობილი ადამიანები სასწორი ფორტუნით: კარლა ბრუნი, ოპრა უინფრი, იოსებ სტალინი, ალფრედ ჰიჩკოკი.

ფორტუნა მორიელში

მორიელი ფორუნა დიდ ენერგიას ფლობს შესაძლოა ამაში სექსუალური ენერგიაც ვიგულისხმოთ, ასეთი ფორტუნით პირად რუკაში ადამიანი ბევრ სირთულეს ხვდება, მაგრამ მას შემდეგ რაც ხდება შემოქმედი, იქნება ეს ისეთი ქმნილება რომელიც თაობებს დარჩება ან თუნდა მარტივად შვილი ადამიანის ცხოვრება უფრო მარტივი ხდება და მიზნებსაც წარმატებით აღწევს.

ცნობილი ადამიანები მორიელი ფორტუნით: ბრედ პიტი, ვოლფგანგ ამადეუს მოცარტი, ჯორჯ ბუში, ქალწული მარიამი

ფორტუნა მშვილდოსანში

ასეთი ადამიანი იღბალს იპოვნის სოციუმში და არა საკუთარ თავში, მან ფორტუნა უნდა ეძებოს სახლიდან მოშორებით, შესაძლოა სხვა ქვეყანაშიც, შესაძლოა აქ იგულისხმებოდეს მაგალითად განსხვავებული პროფესიის არჩევა თუ ოჯახის წევრებს და წინაპრებს რაღაც საერთო პროფესია ქონდათ და ა.შ. ასევე ამ ადამიანმა უნდა ისწავლოს გარემოს კვლევა, დაკვირვება ადამიანებზე და მათგან სწავლა. ეს ის შემთხვევაა როცა სხვის შეცდომებზე ნამდვილად სწავლობენ.

ცნობილი ადამიანები მშვილდი ფორტუნით: ფრედი მერკური, უილიამ შექსპირი, ბოდლერი, მიქელანჯელო.

ფორტუნა თხისრქაში

ადამიანი იღბალს იპოვნის არა სოციუმში არამედ საკუთარ თავში ჩაღრმავებით, ფასეულობებზე და ღირებულებებზე უნდა იფიქროს და უნდა მიყვეს იმ ხაზს რომელიც დაუტოვეს წინაპრებმა, მისი იღბალი ტრადიციებშია რომელიც თაობებს მოსდევდა, ხოლო მაქსიმალურ ბედნიერებას მიაღწევს მაშინ, როდესაც ამ ყველაფერთან ერთად შეძლებს საკუთარი ინდივიდუალიზმის გამოვლენას.

ცნობილი ადამიანები თხირქა ფორტუნით: ჯონ კენედი, პრინცი უილიამი, სადამ ჰუსეინი, პრინცი ჩარლზი, უინსტონ ჩერჩილი, ენდერს ბრეივიკი

ფორტუნა მერწყულში

რეფორმატურული თვისებები რომელსაც მერწყულის ნიშანი ატარებს გასათვალისწინებელია, ეს ადამიანი ფორტუნას იპოვნის, მისთვის მეტად ადვილი იქნება რაიმე ახლის გამოგონება ვიდრე ძველის შესწავლა, მისთვის ადვილი იქნება გამოიგონოს ველოსიპედი თავიდან ვიდრე ისწვლოს მასზე ჯდომა. ამაზე უნდა დაფიქრდეს, თუ შეძლებს ამ ორი ფაქტორის სინთეზი მოახდინოს და საკუთარი შესაძლებლობები უფრო პროდუქტიულად გამოიყენოს ნამდვილად მიაღწევს წარმატებას.

ცნობილი ადამიანები მერწყული ფორტუნით: ჩარლზ დე გოლი, იოჰან სებასტიან ბახი, ლედი გაგა, დონალდ ტრამპი, ნიკოლა ტესლა

ფორტუნა თევზებში

ერთის მხრივ ეს გენერლების ფორტუნაა მეორეს მხრივ მუსიკოსების, ზოგადად ეს ფორტუნა ყველაფერი კოლექტიურის მსხვრევას მგანასახიარებს, როდესაც ძველი და დრომოჭმული თვითლუსტრაციას ეწევა იმისთვის რომ ადგილი დაუთმოს ახალს და პროგრესულს. ასეთი ადამიანები ხშირად გარდაიქმნებიან, მათ საკუთარ შეცდომებზე უწევთ სწავლა და მხოლოდ გარდაქმნით მიაღწევენ წარმატებას როდესაც მოხდება ღირებულებების გადაფასება მათტვის ყველაფერი მეტად ადვილი და ხელმისაწვდომი გახდება.

ცნობილი ადამიანები თევზები ფორტუნით: ჟაკ შირაკი, ჟიულ ვერნი, აბრაჰამ ლინკოლნი, ტონი ბლერი, მადონა

კაბალისტური ასტროლოგია

2 Comments

კაბალა არის მეცნიერება, რომელიც აკრძალულიც იყო, დაფარულიც და ამავე დროს შეუძლებელია მისი დაფარვა, მისი სწავლება ან ამ ცოდნის გადმოცემა.

კაბალა გულისხმობს ცოდნას, რომელიც კაცობრიობას, განურჩევლად ეპოქისა, ადამიანების, ქვეყნების და ა.შ. მიეცათ, ანუ ცოდნას რომელსაც ჩვენ ვფლობთ მაგრამ შესაძლოა ბოლომდე ვერ ვაცნობიერებდეთ. ზოგადად კაბალა არის ბედისწერის მართვის მეცნიერება.

კაბალისტს როგორც წესი ორივე რეალური სამყაროსა და ზესამყაროს ხედვის უნარი აქვს და ის აღწერს ზესამყაროს, რეალური სამყაროსთვის გასაგები ენით. თვითონ კაბალისტები ეწინააღმდეგებოდნენ იმას რომ კაბალა ყოფილიყო დაშვებული, ღია მეცნიერება და მხოლოდ მეოცე საუკუნის 90-იანები წლებიდან გახსენს ის, რადგან როგორც მიხაილ ლეიტმანი ამბობს ადამიანებმა შეწყვიტეს პრიმიტულად აზროვნება და ზეარსებების წარმოდგენა, ქალთევზების, კენტავრების, ანგელოზების და ეშმაკების სახით. მათ ღმერთი და ზესამყარო ენერგიისა და ენერგოველების აღქმასთან დააკავშირეს. ანუ სხვა ეტაპზე გადავიდნენ ადამიანები რის გამოც კაბალისტებმა ჩათვალეს რომ სამყარო მზად იყო ამ მეცნიერების სწორად მისაღებად და გახსნეს ის.

კაბალაში მთავარი კითხვა არის რატომ ვარსებობთ? ზოგადად ფსიქოლოგები თვლიან რომ ეს გარდატეხის, მოზარდობის ასაკისთვის დამახასიათებელი კითხვაა და ადამიანი რომ იზრდება ამ კითხვაზე მისთვის სასურველ პასუხს პოულობს. თუმცა თაობები ისე მიდიოდნენ რომ მათგან მხოლოდ რჩეულებს შეეძლოთ ამ კითხვაზე პასუხის გაცემა. კაბალისტების აზრით, კაბალას სინამდვილეში ის ჩაწვდება, ვინც ზრდასრულ ასაკშიც კი “იტანჯება” შეკითხვით “რატომ ვარსებობთ?”

კაბალა ცივილიზაციის მამოძრავებლად სურვილს მიიჩნევს. ითვლება რომ ადამიანების სურვილები იცვლებოდა საუკუნეების და ათასწლეულების მანძილზე, რაც დრო გადიოდა მით დიდი იყო სურვილები და მით უფრო არარეალურიც კი, მაგრამ ეს იყო მიზეზი რაც კაცობრიობას წინსვლის საშუალებას აძლევდა.

კაბალა კაცობრიობის სურვილებს 5 ეტაპად ყოფს

პირველყოფილი სურვილი – სექსი და ჭამა
მეორე ეტაპის სურვილი – იყო მდიდარი
მესამე ეტაპის სურვილი – გქონდეს ძალაუფლება
მეოთხე ეტაპის სურვილი – გქონდეს ცოდნა
მეხუთე ეტაპის სურვილი – განვითარდე სულიერად, იყო შემოქმედი

კაბალა ამ უკანასკნელ სურვილს ადამიანის სულს ეძახის. კაბალა ასევე იკვლევს სულის კონსტრუქციას, რისგან შედგება ის, ამ ეტაპზე კაბალის სწავლებაში არის სულის 600 000 ნაწილი, რომელიც ყველა ადამიანშია.

კაბალისტური ასტროლოგია მოიცავს ზესხეულებს, ნიშნებს, პლანეტებს, დიალქეტებსა და სახლებს. დავიწყებ ნიშნებიდან

კაბალისტურ ასტროლოგიაში, ასტროლოგიური ნიშნები წარმოადგენენ ადამიანის ორგანიზმის ენერგო-ინფორმაციული ნაკადების ცვლის ძირითად არხებს. ისინი 7 ზესხეულისგან შედგება, რომლებიც გადაიკვეთებიან ნიშნებით.

პირველი 6 ნიშანი განასახიერებს დაღმავალ არხებს:

ვერძი – ატმანურიდან ბუდხალურისკენ
კურო – ბუდხალურიდან კაზუალურისკენ
ტყუპები – კაზუალურიდან მენტალურისკენ
კირჩხიბი – მენტალურიდან ასტრალურისკენ
ლომი – ასტრალურიდან ეთერულისკენ
ქალწული – ეთერულიდან ფიზიკურისკენ

მომდევნო 6 ნიშანი განასახიერებს აღმავალ არხებს:

სასწორი – ფიზიკურიდან ეთერულისკენ
მორიელი – ეთერულიდან ასტრალურისკენ
მშვილდოსანი – ასტრალურიდან მენტალურისკენ
თხის რქა – მენტალურიდან კაზუალურისკენ
მერწყული – კაზუალურიდან ბუდხიალურისკენ
თევზები – ბუდხიალურიდან ატმანურისკენ


ესეც ალქიმიური სქემა ზესხეულებისა და ადამიანის ორგანიზმის ძირითადი ნაკადების შესახებ

ადამიანის ორგანიზმსა და ზესხეულებს შორის რომ გავავლოთ პარალელები დაახლოებით ასეთ სურათს მივიღებთ
უმაღლესი სხეული (სული) – ატმანური და ბუდხალური სხეული
დამაკავშირებელი სხეული (სოციალური) – კაზუალური, მენტალური, ასტრალური სხეული
მყარი სხეული – ეთერული და ფიზიკური სხეული

შემდეგ ასევე სხეულების ევოლუციის ფაზებსაც განვიხილავ და უფრო დეტალურადაც თითოეულ მათგანს, მაგრამ ახლა წარმოდგენისთვის თითო წინადადებით შემოვიფარგლები.

ატმანური სხეული – ყველაზე ზედა სხეულია ზესხეულებიდან, ჩვეულებრივი გონებისთვის ის საოცრად დელიკატურია, მისი გააზრება რაციონალური აზროვნებისთვს თითქმის შეუძლებელია. ის მოიცავს ინფორმაციას, უფრო სწორად კი ადამიანის მისიის შესახებ ინფორმაციას, ასევე მისი ბედისწერის მონახაზის შესახებ ინფორმაციას რომლის ფარგლებშიც იქნება შესაძლებელი სწორედ ამ მისიის განხორციელება.

ბუდხალური სხეული – მასში ადამიანის როგორც შინაგანი სამყაროს, ასევე იმ გარემოს შესახებ რომელშიც ის არსებობს მხოლოდ ძირითადი ინფორმაციაა ჩადებული, კონკრეტიკისა და დეტალების გარეშე.

კაზუალური სხეული – ძირითადი ცნებები, რომელიც ამ სხეულს უკავშირდება არია: მოვლენა, მოქმედება, შედეგი. პირველი ადამიანის პასიურობას განასახიერებს, მეორე აქტივობას (ბუდხალური და ატმანური) და ორივე ერთად ე.წ. ადამიანის სულს შეადგენს. კაზუალური კი მიწაზე დაშვებას გავს, ზე სხეულები და ქვესხეულები ერთმანეთისგან ვიბრაციებით განსხვავდებიან. ქვემოთ სვლისას სხეული უფრო და უფრო ქვესხეულად წარმოგვიდგება. კაზუალური სხეული ადამიანის ღირებულებების და იდეალების შესახებ ინფორმაციას წარმოადგენს.

მენტალური სხეული – ის სამ ზესხეულსა და სამ ქვესხეულს შორისაა, გარდამავალია. ამიტომ მას საკუთარი “ინდივიდუალური” მნიშვნელობის გარდა ადამიანის ორგანიზმში განსაკუთრებული კომუნიკაციური თავისებურებები შემოაქვს, რომელიც ამ „შვიდართულიანი სახლის“ სამ ზედა და სამ ქვედა სართულს ერთმანეთთან აკავშირებს. ეს სხეული ფლობს ინფორმაციას სამყაროსა და ევოლუციის შესახებ, განასახიერებს ადამიანის გონს, როგორც ევოლუციის უმაღლეს საფეხურს.

ასტრალური სხეული – ის განასახიერებს ემოციებს, ინსტინქტებს, შეგრძნებებს, ფლობს ინფორმაციას პირველყოფილობის შესახებ და ის უფრო მეტად გამოხატულია ადამიანებში, ასოციალურებსა და დაბალი თვითშეფასების მქონეებში, ანუ ადამიანებში დაბალი განვითარებით და ექვემდებარება ეთერულ სხეულს.

ეთერული სხეული – ის ფიზიკური სხეულის შედეგია, ფიზიკურად ენერგეტიკული ველი მასებით იქმნება. ის განასახიერებს ადამიანი იმუნიტეტის და ზოგადად ფიზიკური სხეულის შესაძლებლობებს, ჯანმრთელობა, სასიცოცხლო ენერგიას.

ფიზიკური სხეული – ის ძალიან ახლოს დგას კაზუალურთან, ის ატარებს ინფორმაციას ყველა იმ სხეულის შესახებ, რომელიც ფიზიკურად არსებობდა, ასევე ძლიერი ცოდნა სიმბოლოების, კაზუალურთან პარალელი ეს ძლიერ ეგრეგორთან კავშირივითაა ამ შემთხვევაში, რომელიც მის გარშემო მოვლენების განვითარებას ზედმიწევნით აკონტროლებს. ფიზიკური სხეული ქვესხეულებს შორის უკანასკნელია, ყველაზე „მყარი“.

ინდური სიბრძნე არსებობს, რომ ყველაფერს რასაც ადამიანი ხედავს მაიაა, ილუზია, მაგრამ მანამ სანამ ადამიანის თვალთახედვა მჭიდროდაა დაკავშირებული მის ქვესხეულებთან, ამის დაჯერება შეუძლებელია.

თვითონ სიტყვა ებრაული წარმოშობისაა lekabel აქედან მოდის რაც ნიშნავს მიღებას. კაბალა ეხმარება ადამიანს იმუშაოს იმაზე თუ როგორ უნდა მოიპოვოს ადამიანმა სიმშვიდე, როგორ მიიღოს ის სამყაროს შემქმნელისგან, როგორ მოიპოვოს უკვდავება და კმაყოფილება. რაც მთავარია კაბალა არ უკავშირდება რელიგიას, ის მეცნიერებაა. კაბალა სწავლოს ასე ვთქვათ პარამეცნიერებების ფიზიკას. ის არ არის კავშირში არც რელიგიასთან და არც იუდაიზმთან. ეს არის მეთოდი თუ როგორ უნდა “შევასწოროთ” სული, კაბალა არ გავალდებულებს დაიცვა რაიმე რიტუალი, არ გზღუდავს და არ გაკისრებს რაიმე პასუხისმგებლობას.

რაც შეეხება კაბალისტურ ასტროლოგიას, ის უბრალოდ სრულყოფს იმ წარმოდგენას რასაც ჩვენ ტრადიციული ასტროლოგია გვაძლევს. სამყაროში ყველაფერს რაც არსებობს ან “არარსებობს” აქვს ენერგია რომელიც მოქმედებს ყველაფერზე რაც არსებობს ან “არარსებობს”. იმის თქმა მინდა რომ თუ პლანეტას შეუძლია ენერგიით იმოქმედოს ადამიანზე მხოლოდ იმიტომ რომ ის ხილულია, არ ნიშნავს რომ ის რაც ჩვენთვის უხილავია არ მოქმედებს ჩვენზე. ის შრეები სამყაროს რომელიც ჩვენს გარშემოა და ჩვენშია ამოტრიალებული.

ტატუები და ასტროლოგია

%(count)s კომენტარი

ამ პოსტზე ბევრს ვფიქრობდი, იმიტომ არა რომ ბევრია რამე საფიქრალი, უბრალოდ მეზარებოდასავით დაწერა და სულ იქით ვდებდი რატომღაც. ეს პოსტი ეხება სიმბოლოებს ჩვენს კანზე ანუ ტატუებს და მათ მნიშნელობას ჩვენს ცხოვრებაში. მოკლედ ჰაგის ახალი პოსტი ტატუებზე და ასტროლოგიზე.

ძალიან მომწონს ტატუ, ზოგადად სხეულის გალამაზება და დამატებითი ენერგეტიკა, არხი თუ უბრალოდ ბევრისთვის სამკაული, როდესაც კარგადაა შესრულებული უდაოდ მიმზიდველია. ნუ არიან ადამიანები ვისაც არ იზიდავს ტაუტები, მაგრამ ეს პოსტი მათთვის არაა 🙂 ეს პოსტი არის იმაზე, გაცნობიერებულად თუ გაუცნობიერებლად რა არხებს ვხსნით, რა ენერგიას ვიღებთ და უბრალოდ რა იცვლება იმით, რომ თუნდაც ერთ დამატებით წერტილს ვისვამთ სხეულზე. მთავარი არის სამი რამ: ერთი – სად ვიკეთებთ ტატუს, მეორე – რას ვიკეთებთ და მესამე – რაც ასტროლოგიას არ ეხება, მაგრამ არანაკლებ მნიშვნელოვანია ვინ გვახატავს მას 🙂 ამ პოსტში პირველ ორზე იქნება საუბარი.

ძალიან რომ არ დაიბნეთ დავიწყებ მარტივად. მგონი ყველამ იცის თავისი ასტროლოგიური ნიშანი ამიტომ პირდაპირ დავწერ რომელი ნიშანი სხეულის რა ნაწილის და რა ორგანოს მმართველია.

ვერძი – თავი, სახე და ტვინი

კურო – კისერი, ყურები, ხორხი და იოგები

ტყუპები – მკლავები, მხრები, კუნთები, ფილტვები და ბრონქები

კირჩხიბი – მუცელი, მკერდი, დიაფრაგმა, ღვიძლის ზედა ნაწილი

ლომი – გული, ხერხემალი და მალები

ქალწული – კუჭ-ნაწლავი, საჭმლის მომნელებელი სისტემა და ღვიძლის ქვედა ნაწილი

სასწორი – თირკმელი, წელი და კანი

მორიელი – სასქესო ორგანო, შარდის ბუშტი, ნაღვლის ბუშტი, სწორი ნაწლავი, რეპროდუქციული სისტემა.

მშვილდოსანი – თეძოები და ნერვული დაბოლოებები.

თხისრქა – მუხლები, სახსრები და თმები

მერწყული  – ძვლები, კბილები და სისხლი

თევზები – ტერფები და თითები

რას ნიშნავს ეს ყველაფერი, მაგალითად მე ვარ თევზები და ჩემი სუსტი წერტილია ტერფები და თითები. მე შემიძლია ავირჩიო სიმბოლო რომელიც პირადი რუკიდან გამომდინარე გააძლიერებს ამ ენერგეტიკას ან შეიძლება ისეც მოხდეს, არასწორად არჩევის შემთხვევაში, რომ ძალიან ცუდად ჩავერიო, მაგრამ სანამ აქამდე მივალთ კიდევ ერთს შემოგაპარებთ. ყველა ნიშანს ყავს თავისი მმართველი პლანეტა, ხოლო ყველა პლანეტას აქვს გავლენა კონკრეტულ ორგანოზე. მაგალითად:

მარსი მართავს ვერძს და მორიელს, ხოლო გავლენა აქვს არტერიებზე, კუნთებზე, თმებსა და ფრჩხილებზე.

ვენერა მართავს კუროს და სასწორს, ხოლო გავლენა აქვს თირკმელზე და საჭმლისმომნელებელ სისტემაზე.

ვენერა და მარსი ერთად განაგებენ რეპროდუქციულ სისტემას.

მერკური მართავს ტყუპებს და ქალწულს, ხოლო გავლენა აქვს რესპირატორულ სისტემაზე.

ნეპტუნი მართავს თევზებს, ურანი მერწყულს. ურანსა და ნეპტუნს ერთობლივად აქვს გავლენა ენდოკრინულ სისტემაზე.

მერკურსა და ურანს კი ერთობლივად აქვთ გავლენა ტვინსა და ნერვულ სისტემაზე.

მერწყულს ურანთან ერთად მართავს სატურნიც, ხოლო თხის რქას ასე ვთქვათ დამოუკიდებლად. სატურნს გავლენა აქვს ვენებზე, კანზე, ძვლებსა და ჩონჩხის აგებულებაზე.

ასევე მორიელს მარსთან ერთად მართავს პლუტონიც, პლუტონს გავლენა აქვს სათესლე ჯირკვლებზე.

იუპიტერი ნეპტუნთან ერთად მართავს თევზებს ხოლო დამოუკიდებლად მშვილდოსანს, იუპიტერს გავლენა აქვს ღვიძლზე.

კირჩხიბს მართავს მთვარე, ხოლო გავლენა აქვს საკვერცხეებზე.

მზე კი მართავს ლომს და გავლენა აქვს გულზე.

ახლა დავლაგდეთ. შევეცდები ავხსნა მარტივად, რადგან სინამდვილეში ასეცაა. მოკლედ როგორც ვიცით უამრავი თანავარსკლავედი არსებობს ცაზე, მათ შორისაა 12 ასტროლოგიური ნიშნის თანავარსკლავედიც, რომელიც ფიზიკურად არსებობს. მზე ერთი ნიშნის გავლას 1 თვე უნდება დაახლოებით, სწორედ ამიტომაა, რომ თუ თქვენ დაიბადეთ 20 ოქტომბრისა და 20 ნოემბრის შუალედში მორიელი ხართ, ანუ მზე იყო მორიელის თანავარსკვლავედში, თუ მაგალითად 20 აპრილიდან 20 მაისამდე ე.ი. კურო ხართ და ა.შ. ეს კი ნიშნავს იმას, რომ თქვენ ასე ვთქვათ მზით ხართ მორიელი ან კურო იმის მიხედვით თუ მზე რომელ თანავასკვლავედს გადიოდა.

ახლა რა ხდება ხოლმე პირადი რუკის შედგენისას, საქმე იმაშია რომ თქვენი დაბადების მომენტში ყველა პლანეტას, ასტეროიდსა და მზეს ასევე, როგორც მთვარეს კონკრეტული მდებარეობა ქონდა, უნიკალური (გრადუსების გათვალისწინებით) შესაბამისად თქვენი პლანეტები შესაძლოა სხვადასხვა ნიშნებში იყოს გაფანტული. უფრო მარტივად თქვენი დაბადების მომენტში ისინი სხვადასხვა თანავარსკვლავედს გადიოდნენ. სწორედ ეს ხდის ადამიანს უნიკალურს და ანგრევს მითს “მე წავიკითხე ჩემი ნიშნის დახასიათება და საერთოდ არ დაემთხვა”. შესაძლოა თქვენ სხვა ნიშნის გავლენა უფრო მეტად გაქვთ, ამას დავამატოთ თქვენს რუკაში პლანეტების ურთიერთმიმართება ანუ ასპექტები და სახლები, თუმცა შორს არ წავალ.

დავუბრუნდეთ ტატუებს, რატომ იყო ეს ყველაფერი სათქმელი და მნიშვნელოვანი. იმიტომ რომ შესაძლოა თქვენ მთვარე გყავთ მაგალითად მორიელში, მორიელს მართავს მარსი, ამ შემთხვევაში მორიელი, მთვარის და მარსის მდებარეობებია მნიშვნელოვანი და ასე ყველა სხვა პლანეტაზე 🙂 საბოლოოდ ვიღებთ ობობის ქსელის რაღაც მსგავს ნახაზს, რომელსაც თქვენი პირადი ასტროლოგიური რუკა ქვია და რომელიც მნიშნელოვანია იმისთვის, რომ როცა რამეს იხატავ კანზე, სხეულის კონკრეტულ ადგილზე, ბედს არ ენდო და იცოდე რას შეცვლის ეს შენს ცხოვრებაში, რადგან ჩვენ ადამიანები კანს არ ვიცვლით.

იმისთვის რომ უფრო ცხადი იყოს რა საშიშროება შეიძლება იყოს, უბრალოდ ჩამოვწერ თუ რომელ ნიშანს რა დაავადებები ახასიათებს.

ვერძი: თავის და თვალის ტკივილი, ციება, უბედური შემთხვევები

კურო: ძირითადად ყელის ტკვილი და რაც მას უკავშირდება.

ტყუპები: ბრონქებთან დაკავშირებული დაავადებები, პლევრიტი და პნევმონია, ბრონქიალური ასთმა და ანემია.

კირჩხიბი: საჭმლის მომნელებელი სისტემის დაავადებები.

ლომი: გულ-სისხლძარღვთა დაავადებები და სისხლის მიმოქცევასთან დაკავშირებული პრობლემები.

ქალწული: კუჭ-ნაწლავთან დაკავშირებული პრობლემები.

სასწორი: თირკმელებთან და ხერხემალთან დაკავშირებული დაავადებები.

მორიელი: ვენერიული დაავადებები.

მშვილდოსანი: რევმატიზმი ან სახსრების სხვა დაავადებები.

თხისრქა: ძირითადად კანთან დაკავშირებული პრობლემები.

მერწყული: ვენების ვარიკოზული დაავადებები, ავარიები და ზოგი ნერვული დაავადება.

თევზები: გაციება და ჰაერწვეთოვანი ვირუსები.

რაც მთავარია და აუცილებლად გასათვალისწინებელი, ის თუ რომელია თქვენი ნიშანი არ განსაზღვრავს ზემოთჩამოთვლილი დაავადებების მიმართ მიდრეკილებას, ეს შეიძლება იყოს მკვეთრად გამოხატული რამდენიმე ან სულაც განსაკუთრებით არცერთი, რადგან ეს დამოკიდებულია არა მხოლოდ თქვენს მზეზე, არამედ სრულად პირად რუკაზე.

პ.ს. იმედი მაქვს სასარგებლო და დამაფიქრებელი ინფორმაცია მიიღეთ, მათთვის კი ვისაც არ ჯერა ამ ყველაფრის იმედია პოსტით იხალისეთ, თუ ჩაიკითხეთ რათქმა უნდა 🙂

სიყვარულით თქვენი ჰაგი

შაბაში როგორც ასეთი

%(count)s კომენტარი

მე არ მაქვს პასუხი იმაზე რეალურად რა დროიდან მოდის მსგავსი რიტუალები, თუმცა შემიძლია ვისაუბრო იმაზე როდიდან გაჩნდა ცნება შაბაში დოკუმენტებში რომლებიც დღემდე არსებობს.

ეს ხდება ინკვიზიციის დროს, ევროპაში როდესაც ალქაჯებზე ნადირობა დაიწყო და ყველა მოედანზე კოცონი აენთო. დღეს უკვე შაბაშს რამდენიმე ისტორიულ და კულტურულ ფაქტორს უკავშირებენ. ერთი ნაწილი ისტორიკოსების მიიჩნევს რომ შაბაშის ისტორია ფოლკლორთან მიდის, ხოლო მეორე უფრო სოციო კულტურულ ფაქტორად მიიჩნევს მას და ისტორიულ კონტექსტში განიხილავს, რომელსაც ინკვიზიციამდე მივყავართ შუასაუკუნეებში. არსებობს შაბაშის მეცნიერული წარმომავლობის თეორიაც როდესაც შაბაშს განიხილავდნენ კულტურების კომპრომისად და არა მარტივად როგორც, დომინანტი კულტურის პროექციად. ფაქტი კი ერთია რომ დროთა განმავლობაში ჩამოყალიბდა სტერეოტიპი შაბაშის შესახებ, რომელიც ზუსტად იმ სასამართლო პორცესებზე დაყრდნობით რომელიც შუასაუკუნეების ინკვიზიციის დროს იმართებოდა, ჩანს როგორ ხდებოდა უტრირება რიტუალის მიმდინარეობის და მისი თეატრალიზება.

მთავარი ელემენტი შაბაშის სტერეოტიპის იყო სექსუალური ორგიები, ანთროფოფაგია და ზოომორფიზმი ანუ ცხოველის სახით ღვთის თაყვანისცემა. მაგალითად ანტროფოფაგიას უმეტესად შუასაუკუნეების ერეტიკულ სექტებს მიაკუთვნებენ, ის იყო ენდოკანიბალიზმის რიტუალის ნაირსახეობა. რადგან აქ ხდებოდა ცხოველთან სისხლის აღრევით შობილი ბავშვების მსხვერპლთშეწირვა და ასე ვთქვათ იმავე „ცხოველის“ (ღვთაების) მიერ მისით კვება, სწორედ ამ ღამის შეკრებების დროს, რომელსაც მოგვიანებით შაბაშს უწოდებენ სხვადასხვა ისტორიულ თუ სასამართლო პროცესების ჩანაწერებში. ხოლო რაც შეეხება თავად ალქაჯის განსახიერებას რომელიც ჩვილების მოტაცებით და მათი მსხვეპლშეწირვით იყო დაკავებული, ბევრად უფრო საშინელია და აგრესიული.

სხვათაშორის ჯერ კიდევ კაბალაში ვხვდებით მსგავს ჩანაწერებს ქალზე რომელიც ჩვილებს იპარავს და მათით იკვებება. შესაძლოა ის იყო სწორედ პირველი ალქაჯის განსახიერება, საიდანაც გაჩნდა ზოგადად სტერეოტიპი ალქაჯების შესახებ, რადგან პირველი ალქაჯი ლილიტი იყო ქალი, ეს არის პირველი ფემინისტი შეიძლება ასეც ვთქვათ, დიდი ქალური ენერგიის მატარებებლი და ღვთის ხატად შექმნილი როგორც ადამი, მისი თანასწორი და დაუმორჩილებელი, არა კაცის მონა როგორც ევა და მისი გართობის საგანი, არამედ დამოუკიდებელი არსება, ქალი, დიდი ენერგიის მატარებელი, თავისუფლების და თანასწორობის სიმბოლოც კი, ეს თვისებები ძალიან გავს შუასაუკუნეებში ინკვიზიტორების მიერ აღწერილი ქალის თვისებებს რომელსაც ალქაჯობაში სდებდნენ ბრალს. ასე რომ არ შეიძლება ეს კავშირი უარვყოთ.

რაც შეეხება მონაცემებს იმის შესახებ რომ ალქაჯები და კუდიანები ეშმაკს სცემენ თაყვანს და ყველაფერს წმინდას შეურაცხყოფდნენ. ეს ფაქტებიც შუასაუკუნეებში იღებს სათავეს, როდესაც უკვე ქრისტიანული რელიგია მოძლიერებულია და ასე ვთქვათ ხელჩართული ბრძოლაა გაჩაღებული წარმართული და ძველი კულტურების მიმართ. აქვე აღსანიშნავია ის რომ მაგები ხშირად საკუთარ „მიმდინარეობებს“ ძველ რელიგიებს აწერდნენ, უფრო სწორად უწოდებდნენ. შესაბამისად რელიგიები რომლებიც მანამდე არსებობდა, იყო ძლიერი, მასშტაბური და ბევრად უფრო მეტ კავშირში სამყაროსთან, არა ამდენად განკაცებული რამდენადაც ქრისტიანული რელიგიაა. შესაბამისად არ არის გასაკვირი ალქაჯების, მაგების და ა.შ. წარმომავლობა, რადგან როგორც ახლაა მოძღვარი, ბერი, მონაზონი და ქრისტიანული რელიგიის სხვა მსახური, ასევე იმ დროისთვის ქრისტიანობამდე ანუ ძველი რელიგიების მიხედვით სწორედ ეს ადამიანები, შემდგომში უკვე არსებებად მოხსენიებულნი იყვნენ ამ ძველი რელიგიების მიმდევრები და თუნდაც წარმომადგენლები, მსახურები.

ყველაფერი კი დაიწყო იქიდან, რომ 1486 წელს გამოქვეყდა დემონოლოგიის ტრაქტატი „Malleus Maleficarum“ ქართულად შინაარსობლივად სწორად არ ვიცი როგორ გადმოვთარგმნო, სიტყვა სიტყით ითარგმნება როგორც „ალქაჯთა ჩაქუჩი“. ეს ტრაქტატი შეადგინა დომინიკელმა ინკვიზიტორმა ჰენრიხ კრამერმა და იაკობ შპრენჰერმა.

ტრაქტატმა დაუდო სათავე ალქაჯთა წინააღმდეგ ბრძოლას, კათოლიკური ეკლესია ქრისტიანული რელიგიის პროპაგანდისთვის და ასევე საკუთარი ჯიბეების გასუქებისთვის ქმნიდა სტერეოტიპებს და მტრებს, უტრირებულ ძალებს. რადგან მაშინ ბევრად უფრო პოპულარული და გავრცელებული იყო წარმართული და სხვა ძველი კულტურები, მრავალღმერთიანობა, ბუნებრივი სტიქიები და მათი დაკავშირება სხვადასხვა ღმერთებთან, კათოლიციზმს სჭირდებოდა არსებობა არა მხოლოდ იმისთვის რომ არ გამქრალიყო, არამედ იმისთვის რომ ფიზიკურად და მატერიალურად ეარსება. ეს ასე ვთქვათ ბიზნესი იყო, ყველაზე პოპულარული იყო ბოროტთან ბრძოლა, ხოლო ალქაჯები თავისი შაბაშით ზუსტად ჩაჯდა ამ სისიტემაში. მასა ადვილად მიიღებდა ამგვარ ინფორმაცის, ამიტომაც სტერეოტიპი ალქაჯებზე და მათ შაბაშზე ასეთი უტრირებული და მძიმე, შესაძოა საერთოდ არარეალური სახით, გახდა ძალიან პოპულარული.

ინკვიზიტორები ღვთის სახელით ავრცელებდნენ უამრავ სტერეოტიპს რომელიც სწორედ ამ ტრაქტატს ემყარებოდა. ნებისმიერ ადამიანს, რომელიც შესაძლოა ყოფილიყო ალქაჯი იჭერდნენ და მრავალგზის წამების შემდეგ რომლის შემდეგაც ადამიანს ნებისმიერ საქმიანობას აღიარებინებდი, იღებდნენ აღიარებას, ისეთს როგორიც თავად სურდათ. იქნებოდა ეს ცოცხზე ამხედრებული მგლის გარეგნობით ალქაჯი, რომელიც შაბაშზე მიფრინავს რათა ეშმაკს თაყვანისცეს, გაიტაცოს ბავშვები და მსხვერპლად შეწიროს ისინი. თუ უბრალოდ შავი ჭირის მიზეზი, რომ თითქოს ალქაჯმა დაწყევლა ის ქალაქი და ამიტომაა ყველა ავად.

მოკლედ სქემა ასეთი იყო ინკვიზიტორი სთავაზობდა სიუჟეტს დატყვევებულს და ყველანაირად აწამდებმად მას სანამ ეს უკანასკნელი არ აღიარებდა მის სცენარს, რის შემდეგაც მას კოცონზე წვავდნენ.

სამწუხაროდ ინკვიზიციამ გარდა იმისა რომ უამრავი აბსოლუტურად უდანაშაულო ადამიანის სიცოცხლე შეიწირა, გააკეთა ისიც რომ უამრავი ძველი ისტორიული წყარო დაიკარგა. რადგან მათ ვისაც ისინი ქონდა ან საგულდაგულოდ მალავდა მას ან წვავდა. რადგან მათი აღმოჩენის შემთხვევაში უეჭველად სიკვიდილი ელოდა. შესაბამისად ინკვიზიციამ დატოვა ბევრი მცდარი ისტორიული წყარო ალქაჯებზე, მათ რიტუალებზე, ზოგადად ძველ რელიგიებზე, მათ მიმდევრებზე და ხელი შეუწყო უამრავი ისტორიული ფაქტის განადგურებას ამ რიტუალების ნამდვილ წარმომავლობასა და მიმდინარეობაზე.

გარდა ამისა იმ ძველი რელიგიების მიმდევრების საგულდაგულოდ დამალვა გამოიწვია. ისინი ჩრდილში დადგნენ. და ეს საკუთარი შესაძლებლობების დაბლოკვა იყო, რომ არ ყოფილიყო განსხვავებული, სხვანაირი, ყოფილიყო ისეთი როგორიც ყველა. ეს პროცესი “თვითდაბლოკვის” ხდებობოდა არა ერთი და ორი თაობის განმავლობაში.

შესაბამისად დღემდე არსებობენ ადამიანები, რომელთა წინაპრები ძველი რელიგიების მიმდევრები იყვნენ შესაძლოა და მათში არის ის გენეტიკური კოდი და მეხსიერება რომელიც მათგან გადმოეცათ თუმცა ეს „ბლოკი“ ძნელი მოსახსნელია და დიდ მუშაობას საჭიროებს.

ახლა რაც შეეხება თავად რიტუალებს და შაბაშებს მოკლედ. ოკულტური კალენდარი 13 სავსემთვარეობის დღესასწაულს და 8 შაბაშს შეიცავს.

სავსემთვარეობის დღესასწაულები

წელიწადში 13 სავსემთვარეობაა, არსებობს ვერსია რომ ამ დღეს ხდება ადამიანებში არსებული ძალების გამოთავისუფლება, ენერგიის მოზღვავება. 13 სავსემთვარეობა ზუსტად ემთხვევა 13 მთვარის დღესასწაულს. მეცნიერულად კი ამ დღეს იცვლება დედამიწაზე გრავიტაცია რაც მიქცევა-ოქცევაზეც კი აისახება, ისევე როგორც ახალმთვარეობისას.

მთვარის რიტუალი ტარდება სამყაროს შემოქმედი და მაცოცხლებელი ძალის საპატივცემულოდ. ალქაჯები ამ დღეს ბუნების უდიდეს ძალებს მოუწოდებენ, ამყარებენ სულებთან კავშირს.

შაბაში

ჯერ კიდევ 4 ათასი წლის წინ იყო მხოლოდ ორი დღესასწაული ბელტეინი და სამხეინი. ეს დღესასწაულები ორ ნაწილად ყოფს წელიწადს.

მოგვიანებით ევროპის ტერიტორიაზე ოკულტიზმი განვითარდა და კალენდარში კიდევ ორი დღესასწაული დაემატა ესენია : იმბოლგი და ლაგნასადი (ლამასი)

ამის შემდეგ გერმანელმა წარმართებმა დაამატეს კიდევ ორი დღესასწაული გაზაფხულის ბუნიობა და შემოდგომის ბუნიობა. ასე მივიღეთ რვა შაბაში.

შაბაშის თარიღს განსაზღვრავს მზის მოძრაობის ყველაზე მნიშვნელოვანი წერტილები, რომელსაც ის წლის განმავლობაში გადის. ითვლება რომ შაბაში, ანუ ეს დღეები წარმატების მომტანია, ის დაკავშრებულია წელიწადის დროებთან, სეზონურია. ამ დღესასწაულებთან დაკავშირებულ რიტუალებს იყენებენ იმისთვის, რომ გამოიყენონ ამ დღის ენერგია ცხოვრების გაუჯობესების და წარმატებისთვის.

სამხეინი – 31 ოქტომბერი (ჰელოუინი, სულების დღე, ჰელომუსი) ამ ღამეს შესაძლებელია უფრო მარტივად გათავისუფლდეთ წინაღობებისგან. ეს დღეები უკავშირდება სიკვდილს და მსხვერპლშეწირვასაც. ეს პირველი და ყველაზე მნიშვნელოვანი დღესასწაულია, როგორც ახალი წელი. ეს დღე არის მთავარი შაბაში.

 

 იოლი – 21-22 დეკემბერი ( ბუნიობა) ეს შაბაში საკუთარ თავში ახალი ძალების აღმოჩენას და მათ განვითარებას უკავშირდება. მედიტაციისთვის არის კარგი დღე

 იმბოლგი – 2 თებერვალი (ცნობილია როგორც ანთებული სანთლის სახელითაც, იგივე ჩირაღდნების დღესასწაული) ამ დღეს რაც შეიძლება მეტ სანთელს ანთებენ. ეს შაბაში განწმენდის შაბაშია.

 

 ოსტარა – 21 მარტი (ბუნიობა) ასევე ცნობილია რომ ოსტარა ჯერ კიდევ დიონისეს პერიოდიდან იღებს სათავეს, ასევე კელტური, ფრინველების დღესასწაულია. ამ დღეს ატარებენ რიტუალებს რომელიც მომავლის წინასწარმეტყველებას უკავშირდება, ცნობილია როგორც გაზაფხულის პირველი დღე.

 

 ბელტეინი – 1 მაისი (ბელტანი, ვალპურგის ღამე) აღინიშნება 30 აპრილი-1 მაისის ღამეს. სამხეინის საპირისპირო მხარე, მნიშვნელობით მეორე დღესასწაული. ასევე ნაყოფიერების უდიდესი დღესასწაული. ამ დღესასწაულს ასევე გერმანელი წარმართები ალქაჯების დიდ შაბაშსაც უწოდებენ.

 

 ლიტა – 21 ივლისი ძალიან ძლიერი მაგიური ღამეა, ითვლება რომ ამ დღეს სიზმარი და ცხადი შესაძლოა ერთმანეთში აირიოს.

 

 ლაგნასადი – 1 აგვისტო ამ დღესასწაულის მთავარი სიმბოლო მზეა, ეს დღე მოსავალს უკავშრდება, მიწას, ღვინოს, ხოლო ალქაჯების შაბაში ამ დღეს მზის ღმერთისთვის მოსავლის გადაცემით, ასე ვთქვათ მისთვის ძღვენის გადაცემით. ეს უფრო სამადლობელო შაბაშია.

 მაბონი – 21 სექტემბერი ეს შაბაში არ უკავშირდება ხმაურიან აღნიშვნას, ეს უფრო ჩუმი და მშვიდი შაბაშია, რომლის დროსაც ალქაჯები რუნებს აკეთებენ ხისგან.

უახლოესი შაბაშებიდან წინ გვაქვს 2 თებერვლის შაბაში, იმბოლგი. მივყვები თანმიმდევრობით და ყოველი შაბაშისთვის უფრო ვრცლად დავწერ თითოეულ მათგანზე.

პირადი გამოცდილებიდან კი იმას გეტყვით, რომ შარშან ოსტარას დროს დამცავი თილისმა დავიმზადე რომელიც ფანტასტიკურად მუშაობს 🙂

2012 წელი: კომეტა, მარსიანელები თუ გაფუჭებული ტელეფონი

2 Comments

რა იგულისხმება ამ სათაურში თუ ჯერ ვერ მიხვდით, ავხსნი. 2012 წელი ჰომ ასეთი აქტუალურია აგერ უკვე ბევრი წელია და კაცობრიობის ყველაზე დიდი ფობია სახელწოდებით არმაგედონი სულ უფრო მეტად საგრძნობი. ამჯერად მას ქვია 2012 წელი მაიას ტომების კალენდრის მიხედვით 2012 წლის მერე კიდევ ამოვქექავთ რამეს უფრო გაურკვეველს რომ გაგვიჭირდეს გადამოწმება და დარწმუნება, იმაში რომ ვცდებით და იმას დავარქმევთ არმაგედონს. სინამდვილეში კი უკვე ბევრი ათასწლეულია ადამიანები არმაგედონის გარეშე კვდებიან, არმაგედონის მოლოდინში.

და მაინც რატომ ეს სათაური? გაფუჭებული ტელეფონი ჰომ გითამაშიათ ბავშვობაში, როცა ერთი მეორეს, მეორე მესამე და ასე ჯაჭვურად გადასცემ მარტივ ამბავს და ბოლოს სულ სხვა გამოდის, იმიტომ რომ გზადაგზა იცვლება და იცვლება იმიტომ რომ პირველწყარო ჩუმადაა, გასულია მომსახურების ზონიდან ან უარესი. როცა პირველწყარო გაუგებარი, რთული იეროგლიფებით აღნიშნული რამდენიმე ათასი წლით დათარიღებული ქვის ნატეხია

ამხელა შესავალი სულ არ იყო საჭირო მგონი მოკლედ მე შევეცდები მთელი ეს გაუგებრობა გასაგებ ენაზე გადმოვცე. დავიწყებ თანმიმდევრულად და მაქსიმალურად გასაგებად.

როგორც ვიცით მაიას ტომებს ქონდათ განსაკუთრებული ღრმა ცოდნა ასტრონომიაში. ქონდათ კალენდარული სისტემა, რომელიც ასტრონომიის და მათემატიკის ფანტასტიკურ ცოდნას მოითხოვდა. ეს კალენდარული სისტემა სრულდება 2012 წლის 21 დეკემბერს. ანუ ყოველწლიური ზამთრის მზებუდობას, როდესაც დღე და ღამე ერთმანეთს უტოლდება.

გარდა ამისა 2012 წლის 21 დეკემბერი ასტრონომიული თვალსაზრისით ძალიან მნიშვნელოვანია. ის რაც ჯერ კიდევ ბევრი ათასწლეულის წინათ იცოდა ამ ხალხმა.

სანამ კალენდარის სტრუქტურაზე გადავალ ზოგადად რამდენიმე ფაქტორს გამოვყოფ რითაც ის საინტერესოა სინამდვილეში. პირველ რიგში ვიტყვი იმას, რომ მაიას კალენდარს სხვანაირად აცტეკების კალენდარსაც უწოდებდნენ და ის ფიზიკურად არსებობს და ინახება მექსიკის ანთროპოლოგიისა და ისტორიის ეროვნულ მუზეუმში. ის შესრულებულია ქვაზე. მაიას მზის კალენდარი როგორც მას უწოდებენ საინტერესოა რამდენიმე ფაქტორით. პირველ რიგში ის არსებული გრეგორიანული კალენდრისგან განსხვავდება და იმისთვის რომ უფრო ცხადად აღიქვათ შემდეგომ რაზეც ვისაუბრებ, გამოვკვეთოთ განსხვავებები.

გრეგორიანულ კალენდარს აქვს დღეები, კვირეები, თვეები. ჩვენი დღე ემთხვევა მზის დღეს და არა მთვარისას. ეს მნიშვნელოვანია რადგან მთვარის და მზის დღეები განსხვავდება, მთვარის დღე ითვლება ღამის დადგომით, ანუ მთვარის ამოსვლიდა მის ჩასვლამდე. ძველად მთვარის დღეებს უფრო დიდ მნიშვნელობას ანიჭებდნენ ყოველდღიურ ცხოვრებაში ვიდრე ჩვენ დღეს,  დღეს მაგალითად ასტროლოგიაში მთვარის დღე ბევრად აქტუალურია ვიდრე ყოველდღიურ ცხოვრებაში.

დავუბრუნდეთ ჩვენს თემას. გრეგორიანულ კალენდარში დღეებს ვითვლით მზის დღეებით, კვირა შედგება მზის 7 დღისგან. თვე შედგება 28-30-31 მზის დღისგან, თუმცა ჩვენი თვეები მთლიანად მთვარის 30 დღიან ციკლზეა აწყობილი და ამიტომ ჩვენ მთვარის თვეებით ვხელმძღვანელობთ. წელიწადი შედგება 365 მზის დღისგან და 12 მთვარის თვისგან, ნაკიანი წლების გარდა როდესაც თებერვალში 29 დღეა და წელიწადში 366 დღე. ამ საკითხს კიდევ დავუბრუნდებით. ახლა გადავიდეთ მაიას კალენდარზე, რომელიც ერთდროულად რამდენიმე კალენდრისგან შედგება. ანუ ის ერთობლიობაა, ოღონდ არა განცალკევებული არამედ როგორც საათის მექანიზმის კბილანები ემთხვევა ერთმანეთს და ამუშავებს საათს, ასევე კბილანებივით ჯდება ერთმანეთში მაიას ტომების კალენდრის შემადგენელი ციკლები.

მაიას ტომების კალენდარი შედგება 260 დღიანი რელიგიური კალენდრისგან, რომელსაც ქვია „ცოლკინი“ ის გამოსახავს სრულ რელიგიურ ციკლს. შედგება 20 კვირისგან, თითო კვირა კი 13 დღისგან. ყოველ კვირას აქვს სახელი, გრაფიკული გამოსახულება სიმბოლოს სახით და უნიკალური მნიშვნელობა.

მეორე კალენდარი არის 365 დღიანი მზის კალენდარი, რომელსაც ქვია „უთვლელი“ (ეს მე ვთარგმნე ასე, ვგულისხმობს, რომ არ ჩათვლი რაღაცას: „მოდი ეს არ ჩავთვალოთ“ და არა უთვალავი). თუმცა მიუხედავად იმისა რომ ჩვენი კალენდარის მსგავსად შედგება 365 დღისგან განსხვავება დიდია. მაიას ტომების 365 დღიანი კალენდარი შედგება 18 თვისგან, ყოველი თვე კი მზის 20 დღისგან. ამ 365 დღიანი ციკლის ბოლოს არის 5 დღე, რომლებიც განხილულია როგორც უიღბლო, არ ეკუთვნის არცერთ კვირას, ისინი ასრულებენ ციკლს.

კვირებს და დღეებს როგორც რელიგიურ კალენდარში ცოლკინში, აქაც აქვთ სახელები, სიმბოლოები და მნიშვნელობები. შესაბამისად კონკრეტული დღე კონკრეტული მნიშვნელობის, ენერგეტიკის მატარებელია, რაც უფრო მოსახერხებელს ხდიდა წინასწარმეტყველების პროცესებს.

მზის წელიწადი როგორც ვიცით ან არ ვიცით შედგება 365, 2422 დღისგან, მაიამ აქედან გამოთვალა მზის წელიწადის 365,2420 დღე. იმ პირობებსა და დროში როდესაც შეიქმნა ეს კალენდარი, ეს საოცარი შედეგია და სერიოზული არგუმენტი მათთვის ვინც მაიას კალენდარს აქამდე არასერიოზულად აღიქვამდა.

მივედით ყველაზე საინტერესოზე. მაია თვლიდა რომ სამყაროს შექმნიდან უკვე 4 მზის ციკლი – მზე დასრულდა, შესაბამისად შეიცვალა ადამიანების 4 რასა, თითოეული რასა ჩაანაცვლა ახალმა იმ ცვლილებების გამო, რაც მოყვა ციკლის დასრულებას და ახლის დაწყებას.

1)      პირველი ციკლი – მზე გრძელდებოდა 4008 წელი და ის დასრულდა მიწისძვრებით, რომელმაც ფიზიკურად გაანადგურა ადამიანების პირველი რასა.

2)      მეორე ციკლი – მზე გრძელდებოდა 4010 წელს და ის დასრულდა მძლავრი ქარიშხალით.

3)      მესამე ციკლი – მზე გრძელდებოდა 4081 წელს და დასრულდა ცეცხლოვანი წვიმით, რომელიც ვულკანების კრატერებიდან ამოიფრქვა.

4)      მეოთხე ციკლი – მზე გრძელდებოდა 5026 წელს და ის დასრულდა წყალდიდობით

5)      მეხუთე ციკლი – მზე არის ჩვენი ეპოქა, მას მაიამ შეარქვა სხვა სახელიც, რომელიც ასე ჯღერს დაახლოებით „მზის მოძრაობა“. მაიას აზრით ჩვენი 5125 წლიანი ციკლის დასასრულს მოხდება უმნიშვნელოვაესი ძვრები – ცვლილებები.

ნუ ეს ლირიული გადახვევა იყო ფაქტობრივად სინამდვილეში სამყაროს განადგურების შესახებ ყველა ხალხის ლეგენდებში, მითებსა და გადმოცემებშია მოთხრობილი, ამაში განსაკუთრებული არაფერია. ის რომ კალენდარი სრულდება 2012 წლის 21 დეკემბერს არ ნიშნავს რომ ის არ გაგრძელდება, თუმცა იმის გათვალისწინებით რაც მაიასთვის იყო ცნობილი და რა სიზუსტითაც აქვთ ასახული ბევრი ასტრონომიული მოვლენა, მათ შორის 2012 წლის 21 დეკემბრისაც უკვე ცნობილია მეცნიერებისთვის ამ დღის უნიკალურობის შესახებ. ხოლო მათთვის ვინც ჯერ კიდევ არმაგედონზე ფიქრობს მინდა ვუთხრა რომ თუ 21 დეკემბერი კალენდრის ბოლო დღეა, 22 დეკემბერი ეს არის დღე აღნიშნული ნულით რატომ ნულით? იმიტომ რომ მაიას კალენდარში პირველი, საწყისი დღე ნულით აღინიშნება. დასასრულს კი მოსდევს დასაწყისი.

დავუბრუნდები დღის უნიკალურობას. არ დავივიწყოთ მზის კალენდრის „მზის ქვის“ (რადგან ის ქვაზეა შესრულებული ასეც უწოდებენ) მნიშვნელობა. მისი მთავარი ფუნქცია თუ ჯერ კიდევ ვერ მიხვდით მზის თვალყურია. მისი ასახვა, უხეშად, მაგრამ გასაგებად ვიტყვი „დიაგნოსტიკა“.  რაც ნიშნავს რომ 2012 წლის 21 დეკემბერი ჩვენი მზისთვის განსაკუთრებით მნშვნელოვანია და თუ ინტუიცია გკარნახობთ რომ რამდენიმე ხაზით ზემოთ უნიკალურობაზე ტყუილად არ მისაუბრია მართალი ხართ.

ჩვენი მზის სისტემა არის ვარსკვლავებისგან და პლანეტებისგან შემდგარი დისკის ნაწილი, რომლის ცენტრიც მდებარეობს მშვილდოსნის თანავარსკვლავედში, ხოლო ზამთრის მზებუდობის წერტილი კი განლაგებულია მშვილდოსნის თანავარსკვლავედში (21 დეკემბერზეა საუბარი მიხვდით ალბათ).

მინდა მოახდინოთ ვიზუალიზაცია. ჩვენი გალაქტიკის ცენტრის, მშვილდოსნის თანავარსკვლავედზეა საუბარი და ჩვენი გალაქტიკის „რძის გზის“ დისკის ცენტრი 2012 წლის 21 დეკემბერს ერთმანეთს აბსოლუტურად დაემთხვევა და ჩვენი მზის სისტემა და კონკრეტულად ჩვენი მზე კი ამ ორივე „დისკის“ ცენტრზე გაივლის. ეს პროცესი ჩვენი მზის სისტემის „გალაქტიკის ეკვადორზე“ გავლის, 21 დეკემბრის მზებუდობისა და მერწყულის ეპოქაში სრულად გადასვლის ერთდროულად ხდება სწორედ იმ დღეს როდესაც მაიას ტომების კალენდარი სრულდება.

ანუ უფრო დავღეჭავ, თუ 2012 წლის 21 დეკემბრამდე ჩვენ რძის გზას ჩრდილოეთით განვიხილავთ, 21 დეკემბრის შემდეგ ის მოექცევა სამხრეთით და გავიხსენოთ მაიას მიერ მოხსენებული „მოძრაობა“, რომელიც აღნიშნულია კალენდარშიც, შეიძლება ესეც იგულისხმება. რადგან ყველაფერი თავდაყირა დგება, უფრო ზუსტად კი სარკისებური ხდება და არაფერი ზებუნებრივი ამაში არ არის (უკიდურესი სკეპტიკოსებისთვისაც კი) ეს ფაქტია.

ეს გულისხმოს რომ ცის კაბადონი ისეთი როგორადაც ჩვენ მას ვხედავთ არ იქნება ჩვენი შთამომავლობისთვის. ანუ ჩვენი შვილთაშვილები და მათი შვილები თუ შეადარებენ 21 დეკემბრამდე გადაღებულ ცის ამსახველ ვიზუალურ გამოსახულებებს შემდგომებს მას სარკისებური ეფექტი ექენება. რა თქმა უნდა ეს ხანგრძლივი პროცესია და ასე ერთბაშად არ მოხდება, თუმცა ეს პროცესი გარდაუვალია და ის გარდამტეხი წერტილი ზუსტად 21 დეკემბერსაა ასე ვთქვათ ისტორიული მოვლენა კოსმიურ ცხოვრებაში.

ახლა გადავალ უფრო დეტალურ ნაწილზე, ანუ კალენდარის სტრუქტურა. როგორც ვთქვი კალენდარი შედგება ორი კალენდრისგან, ცოლკინი 260 დღიანი და 365 დღიანი უთვლადი. ხოლო ყველა დღეს და კვირას კი თავისი სახელი აქვს. გამომდინარე იქიდან რომ თითოეული ციკლი სხვადასხვა ხანგრძლივობისაა, არცერთი კომბინირებული სახელი არ მეორდება უთვლადის (365) 52 წლიანი, ხოლო ცოლკინის (260) 73 წლიანი ციკლის განმავლობაში (52*365=260*73). დროის ამ პერიოდს ქვია აცტეკური საუკუნე, ან მეორენაირად კალენდარული წრე.

ზოგადად კალენდარი მნიშვნელოვან ფუნქციას ითავსებდა, როგორც სასოფლო სამეურნეო ასევე ციური სხეულების მძრაობის დაკვირვების საკითხებში. გამომდინარე იქიდან, რომ მეზოამერიკულ კულტურებში ხშირია წლების 52 წლიან ციკლებად დაყოფა, ეს არ არის გასაკვირი რომ მაიას კალენდარშიც იგივე ხდება, ანუ აქ არაფერია გასაოცარი, როგორც ჩანს ეს 52 წლიანი ციკლები უფრო ღრმად მიდის წარსულში.

260 დღიანი ცოლკინი, შედგება 13 დღიანი დროის მონაკვეთებისგან, რომელიც 20-ჯერ მეორდება. თითოეულს აქვს სახელი, სიმბოლო და უნიკალური მნიშვნელობა. შევეცდები ავხსნა სტრუქტურა ძალიან გასაგებად.

დავიწყებ მარტივად სახელებით და ჩამონათვალით:

  1. იმიში  – წითელი დრაკონი 
  2. იკი – თეთრი ქარი
  3. აკბალი – ლურჯი ღამე
  4. კანი – ყვითელი თესლი
  5. ჩიკ-ჩანი – წითელი გველი 
  6. კიმი – სამყაროების თეთრი შემაერთებელი 
  7. მანიკი – ლურჯი ხელი 
  8. ლამატი – ყვითელი ვარსკვლავი 
  9. მულუკი – წითელი მთვარე 
  10. ოკი – თეთრი ძაღლი 
  11. ჩუენი – ლურჯი მაიმუნი 
  12. ები – ყვითელი ადამიანი 
  13. ბენი – წითელი ციური მოგზაური 
  14. ხიში – თეთრი ჯადოქარი 
  15. მენი – ლურჯი არწივი 
  16. კიბი – ყვითელი მეომარი 
  17. კაბანი – წითელი მიწა 
  18. ეცნაბი – თეთრი სარკე 
  19. კავაკი – ლურჯი ქარიჩხალი 
  20. ახაუ – ყვითელი მზე 

260 დღიან კალენდარში ათვლა იწყება პირველი დღით, რომელიც ატარებს სახელს „იმიში“, შემდეგ მას მოსდევს „იკი“ და ასე „ბენის“ ჩათვლით, რომელიც არის 13-ის შესატყვისი. შემდეგი არის ხიში, რომელიც არის შესატყვისი ციფრის 14. თუმცა იქიდან გამომდინარე რომ საუბარია 13 დღიან ციკლზე, ის იწყებს მას, ანუ მეორე ცამეტდღიან ციკლს, შესაბამისად იქცევა რიცხვი 1-ის შესატყვისად, მისი მომდევნო „მენი“ იღებს შესატყვისს 2 და ა.შ. 260 დღიანი ციკლის ბოლო დღე იქნება ახაუ, რომლის შესატყვისი რიცხვი იქნება 13.  იმედი მაქვს გაიგეთ.

კიდევ ავხსნი სხვანაირად. აი ჩვენ გვაქვს 30-31 დღიანი მთვარის თვე და ჩვენი, ანუ გრეგორიანული კალენდარი თანმიმდევრულია, თანმიმდევრულში ვგულისხმობ რომ 1 იანვარს მოსდევს 2 ინავარი, 3 იანვარი და ასე 31 იანვრის ჩათვლით, შემდეგ მოდის 1 თებერვალი, 2 თებერვალი და შემდეგი თვე იწყება 1 მარტი, 2 მარტი და ასე ბოლო მეთორმეტე თვის ჩათლით. 1 დეკემბერი, 2 დეკემბერი.

ახლა რა ხდება ცოლკინში ანუ მაიას 260 დღიან კალენდარში. იმის გამო რომ იქ რიცხვებს შეესაბამება კონკრეტული ციფრები, კონკრეტული მნიშნელობით თანმიმდევრობა სხვაგვარია. ანუ აი წარმოიდგინეთ, რომ 1 იანვრის შემდეგ მოდიოდეს 2 თებერვალი, 3 მარტი, 4 აპრილი, 5 მაისი, 6 ივნისი, 7 ივლისი და ასე 12 დეკემბრამდე, შემდეგ გრძელდებოდეს 13 იანვარი. ანუ ამ შემთხვევაში სრული ციკლი იქნებოდა 156 დღისგან შემდგარი (12*13). რის შემდეგაც თავიდან დაიწყებოდა ათვლა 1 იანვრიდან.

260 დღიან კალენდარს გამოიყენებენ დღესაც ცენტრალურ ამერიკაში მცხოვრები ტომები სხვადასხვა რელიგიური რიტუალებისთვის, თუმცა ამას უკვე ტრადიციის დატვირთვა უფრო აქვს ვიდრე უფრო ღრმა. თუმცა საიდან მოდის ეს რთული, მაგრამ ზუსტი სისტემა უცნობია. რადგან თავისი არსით 260 დღიანი კალენდარი არ ერგება არაფერს დედამიწაზე რაც ადამიანს უბიძგებდა მისი შექმნისკენ, ფაქტია რომ 260 დღიანი კალენდარი რომელიც არაფერს არ ერგება განსხვავებით 365 წლიანი მზის კალენდრისა, რომელიც მზის წელიწადს ემთხვევა. არსებობს და არა მხოლოდ არსებობს, არამედ ამ 365 დღიან მზის კალენდარზე ისე არის ადაპტირებული, ვგულისხმობ ისეთი სიზუსტით და გათვლებით, რაც მათემატიკის და ასტრონომიის საკმაოდ ღრმა ცოდნას მოითხოვს. ასეთ დრო სულ მიჩნდება ერთი შეკითხვა, იცოდნენ კარგი, მაგრამ აი საიდან იცოდნენ, ან იცოდნენ თუ არა საერთოდ ამ ხალხმა ამდენი რამ?

ახლა რაც შეეხება 365 დღიან კალენდარს, მის შეთავსებას 260 დღიანთან და განსხვავებას ჩვენი გრეგორიანული 365 დღიანი კალენდრისგან.

როგორც ვიცით სრული მზის წელიწადი შედგება 365 დღეღამისგან და კიდევ მეოთხედისგან, ეს მეოთხედი დღე-ღამე ყოველ 4 წელიწადში ერთხელ შეადგენს სრულს და ამიტომაც, რომ არ აირიოს ათვლა, ჩვენ 4 წელიწადში ერთხელ კალენდარში გვემატება 29 დღე, რომელიც ანულებს ათვლას მომავალ ნაკიან წლამდე. მაიას 365 წლიანი კალენდარი ამ ფაქტს მთლიანად გამორიცხავს.

მაიას 365 დღიანი უთვლადი წელი შედგება 18 თვისგან, ხოლო ყოველი თვე შედგება 20 დღისგან (დღეებს აქვთ სახელი და სიმბოლო და ისინი ზემოთაა ჩამოთვლილი). გარდა ამისა ის კიდევ შედგება 5 დღისგან, რომელიც ასრულებს 365 დღიან ციკლს და ეს უკანასკნელი 5 ითვლება უბედურების მომტან დღეებად.

მაიას უთვლადი წლის ახალი წელი იწყება „პოპის“ თვის პირველ დღეს. თუმცა თვის ბოლო დღე არის არა 20, ანუ აღინიშნება არა ასე, არამედ ცალკე აბსოლუტურად განსხვავებული სიმბოლოთი, რომელსაც გარდამავალის მნიშვნელობა აქვს. საერთოდ მაიას ფილოსოფიის თანახმად ყველაფერი, აბსოლუტურად ყველა მოვლენა რაც დროის გარკვეულ მონაკვეთს უკავშირდება, იგრძნობა მანამ, სანამ ის დადგება და მას შემდეგ როცა ის დასრულდება, პროცესში ჩვენ მის არსებობას ვერ ვგრძნობთ და ვერც იმას, რომ ის უკვე დაიწყო, მიმდინარეობს ან დასასრულს უახლოვდება, ჩვენ დროის პერიოდებს აღვიქვამთ მაშინ, როცა მათ ველით და მაშინ როდესაც ის უკვე წარსულია.

დავუბრუბდები კალებდარს და უფრო კონკრეტულად 260 დღიანი და 365 დღიანი კალენდრის თავსებადობას. რადგან 260 დღიანი კალენდრის თვეები 13 დღიანია, ხოლო 365 დღიანის თვეები კი 20 დღიანი, გამოდის, რომ ერთი და იგივე დღე, რომელიც ერთი მნიშვნელობის მატარებელია და ერთია, ერთდროულად შესაძლებელია ერთი კალენდრის, შემადგენელი ორი სხვადასხვა ციკლის სხვადასხვა დღეს გვიჩვენებდეს. მაგალითად, 260 დღიანი ციკლის პირველი დღე კანი შესაძლოა იყოს ასევე 365 დღიანი ციკლის „პოპის“  თვის პირველი რიცხვი, ანუ ახალი წელი. ასეთი დამთვევა შესაძლებელია მოხდეს 18 980 დღიდან მხოლოდ ერთხელ, ანუ 365 დღიანი ციკლისთვის 52 და 260 დღიანი ციკლისთვის 73 წელიწადში ერთხელ.

ახლა გავერკვეთ ტერმინებში, 365 დღიანი ციკლი

1 დღე = 1 კინი (ანუ კინი თავისთავად 1 დღეს გულისხმობს)

20 კინი = 1 უინალი, იგივე თვე  (20 დღე)

18 უინალი = 1 ტუნი, იგივე წელიწადი (365 დღე)

20 ტუნი = 1 კატუნი (20 წლიანი ციკლი, 7 300 დღე )

20 კატუნი = 1 ბაკტუნი ( 144 000 დღე)

ამ ათვლას მაიას ტომები როგორც ხანგრძლივ ათვლას ისე მოიხსენიებენ, თუმცა ხანგრძლივი ათლა ეს შემდგომი ეტაპია, რომელსაც საფუძვლად უდევს წრიული კალენდარი. ხანგრძივი ათვლისას გამოიყენება კოეფიციენტები, რომელიც მაიას რიცხვითი სისტემით არის ასახული, იწყება ნულიდან და ადის 19-მდე, ის ნულის გარდა გამოისახება წერტილებით და ხაზებით.

ცოლკინის სიბრტყეზე გამოისახულება შეიძლება ერთი შეხედვით გაუგებარი იყოს ბევრისთვის, როგორც მისი ენერგეტიკა და თვისობრიობა.

ის რომ ჩვენ მუდამ, ამ პოსტის კითხვისასაც კი გავდივართ დროის იმ მონაკვეთს რომელიც გარკვეული ინფორმაციის, ენეგრეტიკის მატარებელია და ცოლკინი ანუ ეს სქემა ზუსტად გამოსახავს ამ სიხშირეებს, რომელიც აკავშირებს ერთმანეთთან სხვადასხვა განზომილებებს. ჰო აი შეიძლება ფიქრობთ რა შუაშია აქ განზომილებები.

შეხედეთ ამ გამოსახულებას ეს იგივე ცოლკინია გვერდიდან. უბრალოდ გვერდიდან შევხედეთ, მივიღეთ პირამიდა და ყველაფერი შეიცვალა. ანუ ის რასაც კითხულობდით არ ვიცი 2000 ზე მეტი სიტყვა წაიკითხეთ და მხოლოდ ახლა აღიქვით ის სხვაგვარად.

როგორც უკვე ვთქვი მაიას ფილოსოფიის მიხედვით საგნებს განვიცდით პროცესში როცა ველით და როცა უკვე დასრულდება ანუ ფაქტის წინაშე აღმოვჩნდებით, პროცესში ჩვენ მათ ვერ ვამჩნევთ. ჩათვალეთ რომ ეს პირამიდა ამ პოსტის დასასრული იყო, რომელიც აღმოაჩინეთ. ხოლო მოლოდინს რაც შეეხება, არ ვიცი 2012 წლის 21 დეკემბერი სამყაროს დასასრულიც იქნება თუ არა, მაგრამ ფაქტია, რომ დიდხანს ლოდინი არ მოგვიწევს.

Older Entries

%d bloggers like this: